Një ndeshje mes peshave të lehta Michael Chandler dhe Tony Ferguson u njoftua të premten si pjesë e kartës së UFC 274, e cila do të zhvillohet më 7 maj në Phoenix, Arizona.
Lufta, e cila do të mbahet në Footprint Center me ndeshjen e peshave të lehta midis kampionit Charles Oliveira dhe Justin Gaethje si ngjarje kryesore, ishte në radarin e presidentit të UFC, Dana White për muaj të tërë.
Chandler aktualisht renditet në vendin e 6-të në botë në peshën e lehtë dhe është tre herë ish-kampion i peshave të lehta në Bellator, ndërsa Ferguson është një ish-kampion i përkohshëm i UFC-së në peshën e lehtë dhe ish-fitues i Ultimate Fighter.
Chandler, 35 vjeç, ka një rekord 22-7 dhe bëri debutimin e tij në UFC kundër Dan Hooker në UFC 257, por që atëherë ka humbur dy luftime radhazi ndaj kampionit të peshave të lehta të UFC, Oliveira dhe pretendentit numër 1, Gaethje.
Ferguson (25-6) po kalonte një seri fitoresh prej 12 ndeshjesh, më e gjata në historinë e divizionit prej 70 kilogramësh të UFC, por së fundmi ka pësuar tre humbje radhazi, nga Oliveira, Gaethje dhe Beneil Dariush.
“Unë mendoj se avantazhi im më i madh, mendoj se jam thjesht bazik dhe do të mbaj një ritëm të lartë, të cilin ne e dimë se Toni mund ta mbajë një ritëm të lartë, por mendoj se do të jetë pak më i mprehtë”, tha Chandler.
“Unë mendoj se fuqia ime do të jetë shumë për të. Unë mendoj se do të kem një avantazh shpejtësie dhe një avantazh atletik. Mendoj se jam i mirë në të gjitha fushat ku Toni është i mirë”, shtoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Drejtësia në Shqipëri bazohet edhe në besimin e publikut, thotë Pasztory
-
Ligji për Akademinë e Shkencave përfundon në Kushtetuese, Zhupa dorëzon padinë
-
Eurovizioni, mjeti i preferuar i “fuqisë së butë” të Izraelit?
-
Kurti e transformoi politikën e jashtme të shtetit në një lojë të brendshme elektorale
