Tjetër xhiro u zhvillua në ligën amerikane të basketbollit, NBA, ku pati mjaft spektakël.
Ndeshja më interesante u zhvillua mes Miami Heat dhe Phoenix Suns, e cila përfundoi në të mirë të këtyre të fundit, me rezultat 90:111.
Devin Booker ishte më i dalluari i sfidës, i cili realizoi 23 pikë, tetë kërcime e nëntë asistime. Ndërsa te Heat u dallua Duncan Robinson me 22 pikë.
Sa i përket renditjes në tabelë, Heat kryeson tabelën e Konferencës Lindore, derisa Suns gjithashtu prijnë në Konferencën Perëndimore.
Ndeshje tjetër interesante u zhvillua edhe në “Toyota Center”, ku Los Angeles Lakers assesi nuk po munden të këndellen.
Lakers pësuan nga Houston Rockets, me rezultat 139:130, shifra këto që erdhën vetëm pas vazhdimeve, pasi që koha e rregullt përfundoi 120:120.
LeBron James ishte fantastik në këtë sfidë, i cili realizoi “triple-duble” me 23 pikë, 14 kërcime e 12 asistime, por nuk mundi të evitojë humbjen e skuadrës së tij.
Ndërsa te Rockets, më i miri në parket ishte Jalen Green, i cili shënoi 32 pikë, tre kërcime e po aq asistime.
Ndërkohë, kampionët në fuqi të Milwaukee Bucks shënuan fitoren e gjashtë radhazi, të cilët mposhtën Atlanta Hawks me rezultat 124:115.
Edhe në këtë ndeshje, Giannis Antetokounmpo ishte fantastik, i cili realizoi 43 pikë, 12 kërcime e pesë asistime. Ndërsa te Atlanta u dallua Trae Young me 27 pikë e 11 kërcime.
Ndërkohë edhe Chicago Bulls u rikthyen te fitorja, të cilët mposhtën Detroit Pistons, me rezultat 107:114.
DeMar DeRozan ishte më meritori për këtë fitore, i cili shënoi 36 pikë, tetë kërcime e katër asistime.
Ndërkaq, basketbollisti i Boston Celtics, Jayson Tatum, ishte më i miri në fitoren e ekipit të tij me rezultat 101:115 ndaj Charlotte Hornets, i cili realizoi plot 44 pikë, pesë kërcime e tre asistime.
Rezultatet e ndeshjeve tjera të mbrëmjes:
Minnesota Timberwolves 132 – 102 Oklahoma City Thunder
Neë Orleans Pelicans 102 – 108 Orlando Magic
Dallas Mavericks 77 – 107 New York Knicks
San Antonio Spurs 104 – 119 Toronto Raptors
Sacramento Kings 100 – 106 Denver Nuggets
Los Angeles Clippers 115 – 109 Washington Wizards
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës