“Albin, veç dorëheqja mundet me të nda nga Asociacioni i Komunave me Shumicë Serbe”, i ka thënë deputetja nga radhët e Partisë Demokratike të Kosovës (PDK), Ariana Musliu-Shoshi, kryeministrit të Kosovës, Albin Kurti.
“Marrë parasysh faktin që nuk ke shpëtim nga kauza që e abuzove ndër vite e që të solli në pushtet, dërgo propozim me parimet”, shkroi Musliu-Shoshi në llogarinë e saj në rrjetin social “Facebook”, duke iu referuar kundërshtimeve të ashpra që kryeministri Kurti i kishte pasur gjatë kohës sa ishte në opozitë lidhur me Asociacionin.
Ndërkaq, ajo i tha Kurtit se për një gjë të tillë “të gjithë po të mbështesim”.
“Pra, Asociacion PA kompetenca ekzekutive, PA u shndërruar në pushtet të tretë, PA cenuar karakterin unitar të Republikës, e gjithmonë duke mbrojtë kushtetutshmërinë e Republikës së Kosovës”, nënvizoi Musliu-Shoshi.
Ndërsa, deputetja e PDK-së i kërkoi kreut të ekzekutivit që siç thotë ajo “të paktën një herë tregohu i përgjegjshëm”.
“Para të ardhmes së fëmijëve tanë e funksionimit të shtetit tonë!”, përfundoi ajo.
Ndryshe, në takimin e nivelit të lartë në Bruksel me 27 shkurt, në mes të kryeministrit kosovar, Albin Kurti, dhe presidentit serb, Aleksandër Vuçiç, në kuadër të dialogut Kosovë-Serbi, me ndërmjetësimin e Bashkimit Evropian, palët u dakorduan për Marrëveshjen Bazë për Normalizimin e Marrëdhënieve.
Ky marrëveshja u plotësua me aneksin e zbatimit në Ohër të Maqedonisë së Veriut, me 18 mars.
Një ndër pikat e marrëveshjes parasheh zbatimin e të gjitha marrëveshjeve të arritura deri më tani, përfshirë këtu edhe Asociacionin e Komunave me Shumicë Serbe.
Ndërsa, deri më tani janë paraqitur dy draft-statute për Asociacionin – të dyja këto në takimin e nivelit të lartë në Bruksel, me 2 maj, në mes të Kurtit dhe Vuçiç-it.
Njëri draft-statut u prezantua nga Ekipi Menaxhues, që kryesohej nga deputetja e parlamentit të Serbisë, Danjela Vujçiç.
Mirëpo, këtë draft-statut e refuzoi kryeministri i Kosovës, pasi që tha se është në kundërshtim me Kushtetutën e Kosovës.
Kurti paraqiti një draft-vizion të tij për Asociacionin – i cili është i ngjashëm me modelin kroat.
Ndërsa, nga bashkësia ndërkombëtare është kërkuar që të gjendet një mes ndërmjet këtyre dy draft-statuteve. Këtë e pohoi edhe i dërguari special i BE-së për dialogun Kosovë-Serbi në vizitat e tij në të dy vendet respektive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kina po përgatit një flotë të gjerë ushtarake për të pushtuar Tajvanin, raporton The Telegraph
-
“Është për të ardhur keq – do të duhej të dërgohej në Kushtetuese draft-statuti i Asociacionit”, Cramon për dështimin e Kosovës në KiE
-
Piktura e sapo vërtetuar e Caravaggio-s po shfaqet në Madrid
-
Kina nuk i harron aktivistët pro-demokracisë, edhe pse ndodhen përtej kufijve
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse