Milan-i e ka deklasuar Napolin në “Stadio Diego Armando Maradona”, duke e mposhtur me rezultat 0:4 në ndeshjen e javës së 28-të në Serie A.
Kampionët në fuqi të Italisë ishin superiorë ndaj “kampionëve të ardhshëm” thuajse në të gjithë takimin.
Serinë e golave e hapi Rafael Leao në minutën e 17-të duke shënuar një gol shumë të bukur pas asistimit të Brahim Diaz.
Ky i fundit u përkujdes për golin e dytë në minutën e 25-të, duke shënuar nga afër portës së napolitanëve.
𝐆𝐎𝐀𝐋 | 𝖭𝖺𝗉𝗈𝗅𝗂 0-3 𝖬𝗂𝗅𝖺𝗇 (𝖫𝖾𝖺𝗈) pic.twitter.com/koT4f9QoeN
— EuroFoot (@eurofootcom) April 2, 2023
Pjesa e parë u mbyll me epërsi të dyfishtë të mysafirëve, teksa në pjesën e dytë ata shënuan edhe dy herë të tjera.
Rafael Leao u përkujdes për golin e tretë të kuqezinjve në minutën e 59-të, duke shënuar nga një pozicion shumë i vështirë.
Derisa Alexis Saelemankers shnëoi për 0:4 në minutën e 67-të, pasi dribloi thuajse gjithë mbrojtjen e Napolit.
𝐆𝐎𝐀𝐋 | 𝖭𝖺𝗉𝗈𝗅𝗂 0-4 𝖬𝗂𝗅𝖺𝗇 (𝖲𝖺𝖾𝗅𝖾𝗆𝖺𝖾𝗄𝖾𝗋𝗌) pic.twitter.com/QHI2id6yIb
— EuroFoot (@eurofootcom) April 2, 2023
Me këtë fitore, Milan-i ngjitet në vendin e tretë me 51 pikë, katër më pak se Lazio e vendit të dytë dhe një më shumë se Inter e Roma në vendet katër dhe pesë.
Ndërsa Napoli thuajse e ka të siguruar pozitën e parë me 71 pikë.
Kujtojmë që Milan dhe Napoli janë kundërshtarë në kuadër të çerekfinales së Ligës së Kampionëve, teksa ndeshja e parë mes tyre do të zhvillohet të mërkurën e 12 prillit në “San Siro”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’