Max Verstappen po mbyll një marrëveshje për t’iu bashkuar Mercedes-it, sipas një ish-ikone të Formula 1.
Verstappen, 26 vjeç, është lidhur me një largim nga Red Bull mes polemikave që rrethojnë drejtorin e ekipit Christian Horner.
Legjenda britanike e garave, Johnny Herbert, 59 vjeç, ka zbuluar se ka dëgjuar se një marrëveshje për tre herë kampionin e botës për të ndërruar skuadrat është “e afërt”, por mendon se Red Bull duhet të bëjë gjithçka që mundet për ta parandaluar atë.
Thashethemet rreth një largimi të mundshëm për Verstappen vijnë në mes të stuhisë që përfshiu Red Bull Racing pas akuzave për “sjellje kontrolluese” të bëra nga një punonjëse femër kundër Horner.
Dhe Herbert e ka bërë të qartë se mendon se vetë stuhia është e keqe për sportin e F1 ndërsa diskuton të ardhmen e Verstappen.
Ai tha për “The Sun”: “Nuk është gjë e mirë për F1”.
Tre herë fituesi i Grand Prix, i cili garoi në F1 midis 1989 dhe 2000, argumentoi: “Kjo nuk e ndihmon situatën për Red Bull që kanë pilotin më të mirë në botë për momentin”.
“Dhe ata janë shumë afër largimit të (Max Verstappen) nga skuadra, kam dëgjuar se po i afrohen shumë marrëveshjes me Mercedesin”, shtoi ai.
Herbert sugjeroi se Red Bull do të ishte “budalla” nëse do të linte pilotin më të mirë në F1 të largohej nga ekipi i tyre.
“Duket si një marrëzi për të bërë, pasuria e tyre më e madhe nuk është shfaqja e Christian Horner”. Ai shtoi se do të ishte “çmenduri” që shefi i F1 të qëndronte për shkak të “arrogancës” së tij.
Shefi i Red Bull mohon me forcë të gjitha akuzat dhe u pastrua nga një hetim i brendshëm më 28 shkurt.
Nëse Verstappen largohet te Mercedes, ai ka të ngjarë të zëvendësojë Lewis Hamilton i cili njoftoi se do të largohej nga “Shigjetat e Argjendta” për t’iu bashkuar Ferrarit në fund të sezonit.
Christian Horner paralajmëron Verstappen: Askush nuk është më i madh se ekipi
Babai i Verstappen kërkon të rivendoset ‘paqja’ dhe ‘qetësia’ te Red Bull
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Konventa e Lirisë – Meta shndërron partinë për të dytën herë në po aq vjet
-
SPAK firmos urdhërarreste për zyrtarë të Kadastrës, dy në burg
-
Si studentët në “Columbia University” nxitën një revoltë mbarëkombëtare
-
Pushteti refuzon të ia jep meritat ish presidentes Jahjaga për sigurimin e aparaturës që ka kosto mbi 1 milionë euro