Zëvendëskryeministri i Kosovës, Besnik Bislimi, gjatë pjesëmarrjes së tij në takimin e radhës mes vendeve të Ballkanit Perëndimor me Bashkimin Evropian në Podogoricë ka thënë se ky takim ka rëndësi unike për bashkëpunimin rajonal.
Por, sipas tij edhe në rrugëtimin e Kosovës drejt Bashkimit Evropian.
“Biseduam rreth prioriteteve të këtij plani, veçanërisht aksesit në Single Euro Payment Area (SEPA), fuqizimit të shkëmbimeve tregtare, përmirësimit të infrastrukturës, si dhe avancimit në fushat e teknologjisë, digjitalizimit e inovacionit”.
“Republika e Kosovës po vijon punën e angazhimin intensiv në kuadër të këtij plani. Ai bart rëndësi të veçantë në bashkëpunimin rajonal por dhe avancimin tonë në rrugëtimin drejt Bashkimit Evropian”, ka shkruar Bislimi.
Më 4 shkurt, zëvendëskryeministri dhe Ministri i Punëve të Jashtme të Italisë, Antonio Tajani, kishte mbledhur vendet e Ballkanit Perëndimor për të diskutuar mbi rrugëtimin e gjashtë vendeve ballkanike drejt integrimeve evropiane.
Plani i rritjes së BE-së për Ballkanin Perëndimor përfshiu investime prej 6 miliardë euro dhe akses në tregun e brendshëm të bllokut evropian në fusha të caktuara.
Një vëmendje e veçantë i ishte kushtuar edhe procesit të dialogut për normalizimin e marrëdhënieve Kosovë-Serbi sepse as Kosova e as Serbia nuk do të mund të përfitojnë nga plani i rritjes për Ballkanin Perëndimor në rast se nuk do të ketë përparim konkret në përmbushjen e obligimeve që burojnë nga Marrëveshja Bazë (Bruksel, 27 shkurt 2023 dhe Ohër, 18 mars 2023).
Gjashtë vendet e rajonit – Shqipëria, Kosova, Bosnje-Hercegovina, Mali i Zi, Maqedonia e Veriut dhe Serbia – synojnë të anëtarësohen në BE dhe janë në faza të ndryshme të arritjes së këtij qëllimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey rrëzon vendimin e Mbretërisë së Bashkuar në rastin e sulmeve seksuale për gabimin e avokatëve
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Stano: Për heqjen ose jo të masave ndëshkuese ndaj Kosovës, do vendoset pasi të përfundojë raporti i Këshillit të BE-së
-
Kalvari i vuajtjeve të 25-vjeçarit në Miami, mes torturave në burg dhe talljeve të efektivëve
Lajmet kryesore
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Policia gjen kamera ilegale në kufi me Serbinë, dyshohet se përdoreshin nga kontrabanduesit