![](https://albanianpost.com/wp-content/uploads/2021/03/1615447456_969361_1615448060_noticia_normal_recorte1.jpg)
Të enjten, 16 skuadrat e mbetura në garën e Ligës së Evropës, do të zbresin në fushë për të zhviluar ndeshjet e para të 1/8-ës së finalës.
Në këtë fazë të eliminimit direkt të kësaj gare, pa dyshim që vëmendja do të jetë në ndeshjen mes Manchester United dhe Milan, ndeshje kjo që u cilësua si “finalja e parakohëshme”.
Dy ndër klubet me më shumë emër dhe me më së shumti tifoz në botë, do të masin forcat fillimisht në ndeshjen e parë, e cila do të zhvillohet këtë të enjte në ora 18:55 në stadiumin “Old Trafford” në Manchester.
Deri më tani United dhe Milan ishin takuar vetëm në Ligën e Kampionëve, ndërsa këtë herë rrethanat mundësojnë një përplasje krejtësisht të veçantë ndërmjet tyre në Europa League.
United dhe Milani janë ndeshur 10 herë në Champions League dhe në Kupën e Kampioneve, e bilanci i përgjithshëm përmban nga pesë fitore për secilin ekip.
Dy javë më parë “Kuqezinjtë” eliminuan Crvena Zvezda-n, falë rregullit të golave të shënuar jashtë fushe, ndërsa “Djajtë e Kuq” në fazën e 1/16 mundën thellë me rezultatin e përgjithshëm 4:0 ekipin bask të Real Sociedad-it.
Edhe situatën në kampionatet respektive këto dy skuadra e kanë të njëjtë, teksa pozicionohen në vendin e dytë.
Kështu në Serie A, “kuqezinjtë” kanë grumbulluar 56 pikë pas 26 javëve dhe ndjekin Interin me gjashtë pikë më pak në kampionatin italian, ndërsa “djajtë e kuq” në anën tjetër krenohen me 54 pikë dhe pas 28 ndeshjeve kanë një diferencë prej 11 pikësh me City-n e Guardiolës, por gjithsesi fundjavën e kaluar ia dolën mbanë për të triumfuar në derbi, duke mposhtur Manchester Cityn 2:0 brenda në Etihad.
Trajneri i Manchesterit, Ole Gunnar Solskjaer nuk do të ketë në dispozicion lojtarë si: De Gea, Rashford, Pogba, Mata, Jones dhe Van De Beek.
Gjithashtu edhe homologu i tij Stefano Pioli do të vuajë shumë mungesa si: Ibrahimovic, Calhanoglu, Rebic, Hernandez, Bennacer dhe Mandukic.
Manchester United i ka fituar që të gjithë trofetë e mundshëm në Kupat e Evropës, ndërsa te Milani, i vetmi trofe që mungon është pikërisht ky i kompeticionit të dytë më të rëndësishëm në Kontinentin e Evropës.
Në ora 18:55, përveç këtij derbi, do të luhen edhe tre ndeshje tjera, Dynamo Kyev – Villareal, Ajax – Young Boys dhe Slavia Prague – Rangers.
Në mbrëmje në ora 21:00, me interes pritet takimi në mes të Tottenham Hotspur dhe Dinamo Zagreb.
Sipas shortit Tottehnam kishin favorin për ta luajtur ndeshjen e kthimit në shtëpi, megjithatë për shkak të Arsenalit gjithcka u ndërrua në kalendar, kështu që Spurs do ta luajnë takimin e e parë pikërisht në stadiumin e tyre.
Gjelat konsiderohen favorit në këtë takim, por sidoqoftë klubi i famshëm kroat nuk është për t’u nënvlerësuar.
Po në mbrëmje në orën 21:00 do të zhvillohen gjithashtu edhe duelet Olympiacos – Arsenal, Roma – Shakhtar Donetsk dhe Granada – Molde.
18:55
Manchester United – Ac Milan
Ajax – Young Boys
Dynamo kyiv – Villareal
Slavia Prague – Rangers
21:00
Granada – Molde
Olympiacos – Arsenal
Tottenham – Dinamo Zagreb
Roma – Shakhtar Donetsk
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Duka për kandidaturën e përbashkët me Serbinë: Është interes kombëtar – i shërben edhe njohjes së Kosovës
-
“Kam punuar shumë gjithë jetën për të arritur këtu”, Marku sonte përballet me Kongon
-
Kosova barazon ndaj Zvicrës, përfundon ëndrra për Euro 2024
-
Përfundon ndeshja, Kosova merr barazim ndaj Zvicrës në kohën shtesë