Lille ka arritur një fitore të madhe në Gjermani për të kaluar grupet e Champions League.
Në të njëjtin grup, Salzburg-i shkaktoi befasinë, duke eliminuar Sevilla-n.
Grupi G ishte i vetmi grup, që kishte në javën e fundit të gjitha skuadrat në garë për kualifikimin.
Në Gjermani, Wolfsburg-i shpresonte që të siguronte kualifikimin përballë Lille jashtë formës, por ndodhi e kundërta.
Burak Yilmaz e hapi llogarinë e golave në minutën e 11-të, për 0-1.
Me atë rezultat u mbyll edhe pjesa e parë.
Në pjesën e dytë, gjashtë minuta ishin të mjaftueshme që Lille të mbyllte ndeshjen dhe të siguronte kualifikimin.
David shënoi në minutën e 72-të, kurse në të 78-ën, Gomes shënoi për 0-3.
Steffen gjeti golin e nderit për ujqërit në fund, por vetëm aq.
Lille kualifikohet nga vendi i parë, derisa Wolfsburg nuk është më në gara Evropiane.
Në ndeshjen tjetër, një gol ishte i mjaftueshëm për të vendosur gjithçka.
Para tifozëve të vet në Austri, Salzburg-i shkruajti historinë.
Në minutën e 50-të, Okafor shënoi golin që e dërgoi Salzburg-un në fazën me elimin dhe Sevilla-n në Europa League.
Manchester United në anën tjetër, me skuadrën ‘B’, barazoi përballë zviceranëve të Young Boys.
Ndeshja Atalanta – Villarreal do të luhet nesër, pasi është shtyrë për shkak të gjendjes së keqe të motit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës