Sezoni i vitit 2022 i Kupës së Afrikës ngadalë po merr formë.
Gjatë ditës së mërkurë, zhvillohen edhe dy takime që kompletojnë çerekfinalet e këtij kompeticioni.
Deri tani, ato që dihen janë:
Gambia – Kameruni
Burkina Faso – Tunisia
Nga ndeshjet e sotme, kundërshtarët e tyre do t’i mësojnë Senegali dhe Maroko.
Sikur në ditët e kaluara, edhe sot janë në program dy takimet, me fillim në orën 17:00 dhe 20:00.
Dita nis me super takimin mes Bregut të Fildisht dhe Egjiptit.
Në këtë takim, përballë vijnë yjet Premier League, Nicolas Pepe dhe Mohamed Salah.
Takimi pritet të jetë shumë i barabartë, me të dy skuadrat që përshkruajtën rrugë të njëjtë në fazën e grupeve.
Fituesi i duelit Bregu i Fildisht – Egjipt, do të përballët në raundin tjetër me Marokun, që arriti mbrëmë fitoren 2-1 përballë Malawi-t.
Ndeshja tjetër e ditës është ajo mes Mali-t dhe Guinesë Ekuatoriale.
Dy skuadrat që shkaktuan befasinë me kualifikimin tutje, sot përballen me njëra-tjerën.
Fituesi i këtij takimi, në fazën çerekfinale do të përballet me Senegali-n e Sadio Mane-s.
Kupa e Afrikës ngadalë po vjen në fund, dhe lufta për mbretin e kontinentit po bëhet çdo ditë e më e ashpër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë
