Kryeministri i Sri Lanka-s, Ranil Wickremesinghe, deklaroi para liderëve politikë se është i gatshëm të tërhiqet dhe t’i hapë rrugën një qeverie të re.
Lajmi u bë i ditur nga agjencia Associated Press.
Wickremesinghe, sipas zyrës së tij, po e merrte këtë vendim pasi shpërndarja e karburantit do të rifillojë.
Vendimi i tij vjen pasi krerët e partisë u takuan në Colombo.
Kjo, për t’u përpjekur të zgjidhin një krizë që filloi të shtunën më herët me protestuesit që hynë në rezidencën zyrtare dhe zyrat e presidentit Gotabaya Rajapaksa.
Ata kërkonin dorëheqjen e presidentit.
Rajapaksa u largua nga rezidenca e tij zyrtare rreth orës 10 të mëngjesit me orën lokale.
Pamjet e filmuara treguan një numër të madh qytetarësh brenda shtëpisë së fortifikuar.
Ndërkohë, mijëra njerëz dolën në rrugët e kryeqytetit Colombo duke dënuar krizën më të keqe ekonomike të vendit në periudhën e fundit.
Policia hodhi më herët gaz lotsjellës ndaj protestuesve që rrethuan rezidencën ndërsa po lëviznin drejt portave kryesore.
Protestuesit përfundimisht thyen barrikadat dhe hynë në shtëpi.
Ata fajësojnë Rajapaksa-n për problemet ekonomike dhe kanë pushtuar hyrjen e zyrës së tij për tre muaj.
Mediat lokale raportuan se Rajapaksa-n e kishte informuar Wickremesinghe se do të respektonte vendimin e marrë në takimin e liderëve të partisë.
Në prill, Sri Lanka njoftoi se po pezullon shlyerjen e huave të huaja për shkak të mungesës së valutës së huaj.
Borxhi i përgjithshëm i saj i jashtëm arrin në 50 miliardë euro, nga të cilat duhet të shlyejë 27 miliardë euro deri në fund të vitit 2027.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Khamenei, udhëheqësi suprem i Iranit: Hapi derën e pushtetit për Pasdaran për t’iu kundërvënë lëvizjes reformiste
-
Ministri kroat: Situata në Kosovë s’është e mirë – të gjitha tensionet janë shkaktuar nga pala serbe
-
Dëshmitari i 63-të nis dëshminë në Speciale, i kërkohet të bëjë identifikimin e disa fotografive
-
Nis protesta e opozitës përpara Bashkisë Tiranë, sërish molotovë drejt godinës
Lajmet kryesore
-
Ngërçi në Komisionin Hetimor për shëndetësinë merr zgjidhje, arrihet dakordësi mes palëve
-
Nis protesta e opozitës përpara Bashkisë Tiranë, sërish molotovë drejt godinës
-
Khamenei, udhëheqësi suprem i Iranit: Hapi derën e pushtetit për Pasdaran për t’iu kundërvënë lëvizjes reformiste
-
SHBA-ja akuzon Kosovën për “përshkallëzim të tensioneve” pas mbylljes së degëve të bankës serbe në veri