Janë zhvilluar 11 ndeshje në kuadër të kualifikueseve për Kupën e Botës “Katar 2022”.
Kanë ndodhur befasi, por shumica e favoritëve kanë arritur fitore të lehta.
Dita nisi herët me grupin H.
Qipro dhe Malta ndanë pikët në një barazim të luftuar 2-2, duke mbetur të fundit në grup me nga pesë pikë.
Në të njëjtin grup, Kroacia u shokua duke u ndalur në barazim identik sikur Qipro dhe Malta, nga Sllovakia.
Kroatët i shpëtoi një gol i bukur nga Luka Modric që të mos humbin tre pikët.
Rusia fitoi tre pikë me fitoren e vuajtur 1-2 në fushën e Sllovenisë.
Pas tetë ndeshjeve të zhvilluara, gjendja në grupin H duket kështu:
Grupi E:
Në grupin E, Çekia dhe Uellsi bënë detyrën.
Uellsianët fituan minimalisht në fushën e Estonisë, duke mbajtur hapin me Çekinë.
Kurse, këta të fundit e arritën një fitore të thjeshtë në fushën e Bjellorusisë, 0-2.
Avantazhi kryesor për ishullorët është fakti se kanë zhvilluar një ndeshje më pak.
Kështu duket gjendja në këtë grup:
Grupi G:
Në grupin G, Holanda, Turiqa dhe Norvegjia e bënë detyrën.
Holandezët arritën fitoren e thellë me rezultatin 6-0 përballë modestëve të Gjibraltarit.
Norvegjia u mjaftua me rezultatin 2-0 për të shënuar fitore të madhe përballë Malit të Zi.
Kurse Turqia në fund mposhti Letoninë 1-2.
Gjendja në grupin G, duket kështu pas tetë ndeshjeve:
Grupi J:
Gjermania merr hak nga Maqedonia e Veriut për humbjen shokuese në Gjermani.
Panzerët fituan me rezultat të pastër 4-0 në Shkup, duke e nxjerrur Maqedoninë nga vendi i dytë.
Në të njëjtin grup, Rumania përfitoi nga hapi fals i Maqedonisë.
Rumunët arritën një fitore minimale 1-0 përballë Armenisë, po ashtu në luftë për një vend në play-off.
Islanda arriti një fitore formale 4-0 përballë Lihtenshtajtin.
Gjendja në grupin J pas tetë takimeve është shumë e nxehtë:
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com