Java e 21 filloi me dy ndeshje shumë interesante. Dueli mes Trepçës dhe Ponte Prizrenit e cila përfundoi me dramë, duke shkuar dy herë në vazhdime. Ndërsa dueli mes Sigal Prishtinës dhe Bashkimit përfunoi me dominimin e Prishtinasve.
Ndeshja mes Trepçës dhe Ponte Prizrenit nuk arriti të përfundoj në kohën e rregullt, ata shkuan në kohë shtesë për ta gjetur fituesin. Në fund triumfoj Trepça me fitore minimale 116:114.
Ndeshja ishte shumë e barabartë deri në fund të ndeshjes ku mitrovicasit fituan me diferenc prej vetëm 2 pikëve.
Kishte performanca të mrekullueshme individuale nga dy ekipet, por Koljevic ishte ai që u tregua vendimtar në fund të ndeshjes.
Më të dalluarit në skuadrën e Trepçës ishin Stavros Toutzaiarkis i cili dominoi lojën në ajër me 30 pikë e 22 kërcime, Ivan Koljevic me 28 pikë e 11 asistime dhe Drilon Hajrizi me 22 pikë, 11 kërcime e 7 asistime.
Ndërsa te Ponte Prizreni më të mirët ishin Divine Myles me 29 pikë e 10 kërcime e 7 asistime, Kwame Vaughn me 27 pikë dhe Joshua Martin me 15 pikë e 16 kërcime.
Trepça ndodhen në pozitën e gjashtë me 8 fitore e 13 humbje.
Ndërsa Ponte Prizreni i prijnë superligës me 13 fitore e 7 humbje.
Dueli mes Prishtinës dhe Bashkimit nuk ishte dramatik si dueli në palestrën e “Minatorit” por ishte mjaftë e barabart deri në çerekun e fundit ku Prishtinasit fituan me diferenc prej 10 pikëve.
Ndeshja mes Sigal Prishtinës dhe Bashkimit përfundoi me rezultat 99:89.
Te Prishtinasit më të mirët ishin Nigel Jonson me 31 pikë e 9 asistime dhe Tevin Mack i cili kontribojë me 22 pikë.
Ndërsa, Bashkimi kishte pesë lojtarë me pikë dyshifrore, por më të dalluarit ishin Christian Lutete me 31 pikë dhe Obinna Oleka i cili dominoi lojën në ajër me 14 pikë e 24 kërcime.
Sigal Prishtina ndodhen afër fundit të tabelës, në pozitën numër shtatë me 7 fitore e 14 humbje.
Kurse Bashkimi janë në pozitën e pestë me 10 fitore dhe 10 humbje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com