Ministria e Jashtme e Koresë së Veriut kritikoi të dielën komentin e fundit të Sekretarit të Përgjithshëm të Kombeve të Bashkuara për mbështetjen e tij për denuklearizimin e plotë të Veriut, duke i quajtur vërejtjet e tij të anëshme dhe të padrejta.
Agjencia shtetërore e lajmeve e Koresë së Veriut “KCNA” lëshoi një deklaratë nga ministria e jashtme pasi shefi i OKB-së Antonio Guterres, pas takimit me presidentin e Koresë së Jugut, Yoon Suk-yeol të premten tha se ai mbështet plotësisht përpjekjet për denuklearizimin e plotë të Koresë së Veriut.
“Unë nuk mund të mos shpreh keqardhje të thellë për vërejtjet e përmendura të sekretarit të përgjithshëm të OKB-së, të cilave u mungon jashtëzakonisht paanësia dhe drejtësia dhe bien ndesh me detyrimet e detyrës së tij, të përcaktuara në Kartën e OKB-së, për sa i përket çështjes së gadishullit Korean”, tha Kim Son Gyong, zëvendësministri për organizatat ndërkombëtare i ministrisë së jashtme të Koresë së Veriut në një deklaratë.
Kim shtoi se Sekretari i Përgjithshëm i OKB-së nuk duhet të kërkojë ose të pranojë urdhra nga qeveria e një vendi të caktuar, por të përmbahet vetëm në kryerjen e çdo akti që mund të dëmtojë pozicionin e tij ose të saj si një zyrtar ndërkombëtar i cili është përgjegjës vetëm ndaj OKB-së.
Kim tha se “çnuklearizimi i plotë, i verifikueshëm dhe i pakthyeshëm” i Veriut ishte “një shkelje e sovranitetit të DPRK”, duke iu referuar Koresë së Veriut me inicialet e emrit të saj zyrtar, Republika Popullore Demokratike e Koresë.
Koreja e Veriut ka testuar një numër rekord raketash këtë vit dhe zyrtarët në Seul dhe WAntonio ashington thonë se duket se po përgatitet të testojë një armë bërthamore për herë të parë që nga viti 2017, duke e bërë evidente bllokimin e bisedave për denuklearizimin.
Marrë nga Reuters, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kina po përgatit një flotë të gjerë ushtarake për të pushtuar Tajvanin, raporton The Telegraph
-
“Është për të ardhur keq – do të duhej të dërgohej në Kushtetuese draft-statuti i Asociacionit”, Cramon për dështimin e Kosovës në KiE
-
Piktura e sapo vërtetuar e Caravaggio-s po shfaqet në Madrid
-
Kina nuk i harron aktivistët pro-demokracisë, edhe pse ndodhen përtej kufijve
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse
