Të drejtat televizive janë arsyeja kryesore që një ligë ose tjetra ngritet në piedestal në aspektin ekonomik.
Kështu ka ndodhur me Premier League-n, gjithmonë.
Liga e futbollit anglez gjithmonë ka pasur një reklamim dhe transmetim të jashtëzakonshëm, saqë tani jo vetëm që njihet si liga më tërheqëse në botë, por, është larg liga më e pasur në botë.
Një krahasim i thjeshtë, që paraqet shumë mirë të ardhurat që gjenerojnë në Federatën e Futbollit Anglez:
Fituesi i Champions League-s fiton një shifër rreth 100 milionë euro.
Fituesi i play off-it në Championship, fiton plot 220 milionë euro.
Të njëjtën metodë si Premier League, do të përdorë edhe La Liga.
Të drejtat e tyre televizive në Amerikë, La Liga i ka shitur te Disney për një shifër të 1.4 miliardë dollarëve.
Kjo është kontrata më e madhe që Federata Spanjolle e Futbollit e ka nënshkruar ndonjëherë.
Në këtë mënyrë, Disney do t’i transmetojë ndeshjet e La Liga-s në Amerikë nëpërmjet ESPN-së.
Kjo e ringjallë idenë që çdo skuadër e La Liga-s të luajë një ndeshje sezonale në Shtetet e Bashkuara.
Po ashtu, kjo kontratë do të thotë që fituesi i La Liga-s, nga sezoni i ardhshëm, do të përfitojë dyfish më shumë se tani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com