Presidentja e Kosovës, Vjosa Osmani, ka uruar deputetin e koalicionit VLEN, Afrim Gashin, për zgjedhjen e tij si Kryetari i Kuvendit të Maqedonisë së Veriut, këtë të marte.
Nëpërmjet një postimi në platformën sociale, X, Osmani ka potencuar se shqiptarët e Maqedonisë së Veriut kanë luajtur rol kyç në shtetformimin dhe shtetndërtimin e Maqedonisë së Veriut, ndërkaq “sot janë kontribuues kyç për perspektivën evropiane të saj”.
“Shtetet tona gëzojnë marrëdhënie të shkëlqyera fqinjësore, të bazuara në respekt të ndërsjellë, miqësi e bashkëpunim. I uroj Kryetarit Gashi shumë suksese në këtë pozitë të rëndësishme”, ka shkruar ajo.
Gashin gjatë ditës e ka uruar edhe kryetari i Kuvendit të Kosovës, Glauk Konjufca.
Konjufca përmes një statusi në platformën sociale, Facebook, ka potencuar se mezi pret të punojë me Gashin “për të çuar përpara sa më shumë interesat tona të përbashkëta”.
“Për të kontribuuar bashkërisht drejt stabilitetit të qëndrueshëm rajonal dhe synimeve euroatlantike. Pres që marrëdhëniet mes institucioneve tona të konsolidohen edhe më tutje”.
Afrim Gashi, njëri nga liderët e koalicionit VLEN, u zgjodh të martën kryetar i Kuvendit të Maqedonisë së Veriut. Ai është zgjedhur në këtë pozitë në seancën konstituive me 76 vota për, 6 kundër dhe asnjë abstenim.
Emërimi i ish-kreut të Alternativës në këtë pozitë vjen pas marrëveshjes politike ndërmjet VLEN-it dhe VMRO-DPMNE-së.
Afrim Gashi zgjidhet kryetar i Kuvendit të Maqedonisë së Veriut
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet
