Po ashtu si Konferenca Ipeshkvore e Shqipërisë, edhe Komuniteti Mysliman i Shqipërisë (KMSH) ka shprehur sot mesazhin e tij për zgjedhjet e 25 prillit. Ato iu kanë bërë thirrje qytetarëve të votojnë me vullnet të lirë.
“VOTA është shumë e shtrenjtë, ajo nuk duhet të shitet, as të blihet. Shprehni qëndrimin tuaj ndaj alternativës që dëshironi, me vullnet të lirë, pa u intimiduar nga askush e pa intimiduar ju askënd!”
KMSH ka theksuar se vendi ndodhet në një proces të rëndësishëm dhe se qëndrimi i tyre është si gjithmonë neutral. Ata kanë bërë thirrje për një fushatë të qetë dhe korrekte.
“Qëndrimi ynë për përkatësitë politikë është si gjithmonë, NEUTRAL, por ajo që është e rëndësishme për ne, është procesi. Ne dëshirojmë që fushata elektorale të kalojë e qetë dhe korrekte”.
Shitja e blerja e votës, sipas KMSH-së, është përçmim për dinjitetin njerëzor.
“…shitja apo blerja e votës, veç të tjerave, është edhe përçmim për dinjitetin njerëzor, ruani dinjitetin njerëzor pasi është amanet nga Zoti”.
“I lutemi Zotit që produkti i këtyre zgjedhjeve të jetë legjitim, i drejtë dhe i hajrit për popullin tone”, ka mbyllur mesazhin KMSH-ja
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Krenar për Shqipërinë, turi i diasporës ‘zbarkon’ në Milano
-
Rrugorja e Tiranës bën bilancin javor – 9 arrestime, mijëra gjoba dhe bllokime automjetesh
-
Hamasi thotë se ka marrë peng disa ushtarë izraelitë, IDF e mohon
-
Një vit nga fillimi i tensioneve më të mëdha në Veri, kryetarët e përshkruajnë si tejet të vështirë atë ditë