Adnan Januzaj pak vite më parë ishte një nga talentet më premtues në Evropë. I dal nga akademia e Manchester United dhe aktivizimi me ekipin e parë të “Djajve të Kuq”, bëri që gjithë kontinenti i vjetër të fliste për të.
Shqipëria ishte një nga kombëtaret që synonte ta kishte në gjirin e saj super talentin Januzaj. Mirëpo, asokohe ai vendosi të përfaqësonte vendin e tij të lindjes, Belgjikën. Me këta të fundit u paraqit në vetëm 15 ndeshje, ku shënoi dhe një gol.
Teksa pritej një karrierë e shkëlqyer nga Januzaj, tashmë në moshën 27-vjeçare ai duket se është shumë larg pritshmërive.
Pasi u aktivizua pak kohe te United, ai u huazua në ekipe si Borussia Dortmund, Sunderland dhe në fund u shit përfundimisht te Real Sociedad. Në La Liga ai luajti me Sociedad nga 2017 deri në 2022, ku më pas u transferua te Sevilla, ku dhe aktivizohet aktualisht.
Ecuria e tij te Sevilla nuk është në rrugën e duhur. Ai nuk preferohet nga trajneri dhe po synon largimin. Mirëpo, teksa merkato e janarit është mbyllur në ligat më të mëdha evropiane, Januzaj duket se ka vetëm një derë të hapur ku mund të vazhdojë karrierën.
Sipas gazetës katalanase “Mundo Deportivo”, Januzaj ka ofertë nga gjigandët turq të Istanbul Basaksehir. Merkato e transferimeve në Turqi nuk është mbyllur ende dhe Januzaj ka kohë për të mbyllur marrëveshjen deri të martën e ardhshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE