“Njëjtë siç duhet falënderuar Putinin që ka injektuar jetë në NATO, nderime edhe ndaj Sergej Lavrov që i dha puthjen e vdekjes Open Balkans”.
Kështu është shprehur profesori dhe eksperti amerikan për Ballkanin Perëndimor, Edward P. Joseph pas lartësimit që kryediplomati rus Sergej Lavrov i bëri iniciativës rajonale “Open Balkan”, të cilën edhe e quajti iniciativë meritore të Beogradit.
Lavrov, madje më tej, për të mbitheksuar mbështetjen ruse ndaj Serbisë, tha se “BE dhe ShBA dëshirojnë Ballkan të Mbyllur”, duke i dhënë edhe më tej konfirmim kritikëve të Open Balkan për ta kundështuar atë.
“Ky prodhim foshnjor mendor i administratës së Trump e çon para agjendën strategjike të partnerit rus në rajon, Serbinë nën udhëheqjen e Aleksandër Vuçiç”, ka vlerësuar Joseph.
Profesori amerikan në John Hopkins, i cili ka kohë që është kundërshtar i kësaj nisme rajonale, Open Balkan-in e sheh si mjet ekskluziv të hegjemonisë serbe.
“Media kryesore ruse në vend, Sputnik Serbia, ka mbështetur vazhdimisht Open Balkans, dhe pse jo?”, ka pyetur ai përmes një cicërime.
1/ Just as thanks go to #Putin for injecting life into @NATO, kudos to #SergeyLavrov for giving the kiss of death today to #OpenBalkan. This #Trump Administration brainchild advances the agenda of #Russia’s strategic partner in the region, #Serbia, under @avucic. 🧵
— Edward P. Joseph (@edwardpjoseph) June 7, 2022
Piktura që Joseph e sheh të ofrohet përmes Open Balkan, reduktohet në një “botë serbe” përmes tregut me fqinj.
“Open Balkan është ftesë e hapur e Aleksandër Vuçiç për të eksploatuar madhësinë ekonomike të Serbisë për avantazh politik – të lirë nga shtrëngesat politike ose vlerave të Bashkimit Evropian. Open Balkan është e barabartë me ‘botën serbe’ përmes tregut me fqinjët më të vegjël”, ka shkruar ai.
Joseph mes tjerash konsideron se Shtetet e Bashkuara kanë qenë naive karshi çfarë ai supozon të jetë qëllimi real i presidentit serb.
“Duke besuar se Aleksandër Vuçiç dëshiron të anëtarësohet në BE, zyrtarët amerikanë kanë besuar në nocionin se Tregu është i barabartë me Besimin. Ajo çfarë llogaritet është karakteri i regjimit me të cilin tregtoni. Pyeteni Ukrainën: deri më 24 shkurt, Rusia ishte partneri tregtar më i madh i Kievit, për eksporte dhe importe”.
“Pyeteni Japoninë, Korenë e Jugut ose Taivanin nëse tregtia ua ka ndërtuar besim me Kinën”, ka shkruar mes tjerash profesori.
Një prospekt të ngjashëm e parasheh edhe në Ballkanin Perëndimor. Andaj, sipas tij, këto gjëra duhet parë përtej thjesht marrëdhënirve tregtare.
“I njëjti tregim është edhe në Ballkan. Serbia është partneri i parë tregtar i Malit të Zi, për importe dhe eksporte – dhe Beogradi është i fundit në terma të besimit. Përqafimi i Kryeministri i ri i Malit të Zi ndaj Open Balkan i ka përkeqësuar ndarjet në vend”, konsideroi ai.
Profesori amerikan, Edward P. Joseph konkludon se të gjithë shtetet e rajonit që ndjehen drejtpërsëdrejti të kërcënuar nga Serbia janë tejet dyshues ndaj Open Balkan.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Afrika e Jugut: Gjenocidi në Gaza ka arritur një fazë të re dhe të tmerrshme
-
Abdixhiku: Letra e Scholzit, Macronit e Melonit ekspozoi populizmin e Kurtit – dështim spektakolar, dëm historik
-
Haziri pyet kryeministrin përse veproi “tinëz” presidentes: E keni zvarritur për tokë këtë Republikë
-
Dy sisteme Patriot do ta shpëtonin Kharkivin nga pushtimi, thotë Zelensky
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin