Këtë të mërkurë do të fillojë java e katërt në BKT Superligën e Kosovës në futboll, ku në program janë për tu zhvilluar tri ndeshje.
Takimi më interesant i kësaj xhiroje, pritet të jetë ai mes Dritës dhe Ballkanit, që do të zhvillohet në Gjilan.
Dyja skuadrat vijnë në këtë takim me bilanc të njëjtë në tri ndeshjet e kaluara, prej të cilave gjilanasit mposhtën Malishevën dhe Feronikelin, ndërsa barazuan me Llapin, kurse therandasit mposhtën Ulpianën dhe Prishtinën, derisa barazuan me Dukagjinin.
Pra, dyja skuadrat momentalisht i prijnë tabelës, ku së bashku me Drenicën kanë nga shtatë pikë.
Interesant pritet të jetë edhe ndeshja në stadiumin “Rexhep Rexhepi” në Drenas, aty ku Feronikeli e pret Dukagjinin.
Feronikeli në tri takimet e para u mposht nga Gjilani dhe Drita, ndërsa arriti të fitojë kundër Llapit, kurse Dukagjini në dy takime barazoi me Gjilanin dhe Ballkanin, si dhe u mposht nga Drenica.
Takimi tjetër i ditës së mërkurë, do të zhvillohet në Podujevë, aty ku Llapi do ta pret skuadrën e posangjitur në Superligë, Malishevën.
Llapi nuk e nisi aq mirë sezonin e ri në Superligë, të cilët në ti takimet e para, barazuan ndaj Dritës dhe Ulpianës, si dhe humbën ndaj Feronikelit, kurse Malisheva fitoi kundër Ulpianës, barazoi me Prishtinën dhe u mposht nga Drita.
Të gjitha takimet e ditës së mërkurë do të fillojnë në ora 16:00, ndërsa një ditë më vonë do të zhvillohen edhe dy takime, Ulpiana – Drenica dhe Prishtina – Gjilani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë