Ish-ministri i Punëve të Jashtme të Kosovës, Enver Hoxhaj, ka reaguar ndaj Bashkimit Evropian (BE) lidhur me raportin vjetor për Kosovën të hartuar nga ana e Këshillit Evropian (KE) si dhe për mungesën e liberalizimit të vizave për Kosovën.
Me anë të raporteve dhe me mungesë të liberalizimit të vizave për Kosovën, BE po fsheh realitetin e gjendjes së çështjeve të Serbisë. Kjo sipas tij, po e humb besueshmërinë dhe pozitën e saj vet BE-së në Ballkanin Perëndimor.
Hoxhaj këtë kritikë për BE-në e ka bërë nëpërmjet llogarisë së tij në Twitter.
“BE-ja me mungesën e liberalizimit të vizave për Kosovën dhe me raporte që fshehin realitetin e gjendjes së çështjeve të Serbisë, po humbet besueshmërinë dhe pozitën e saj në Ballkanin Perëndimor”, ka shkruar Hoxhaj.
The #EU with the lack of visa liberalization for #Kosovo & with reports that hide the reality of the state of affairs of #Serbia, is just losing its credibility & standing in Western Balkans. pic.twitter.com/0TTXOqbRfz
— Enver Hoxhaj (@Enver_Hoxhaj) October 19, 2021
Ndërsa, në raportin e progresit të Komisionit Evropian (KE) i cili iu dorëzua të martën Kryeministrit Albin Kurti dhe presidentes Vjosa Osmani nga ana e shefit të Zyrës së BE-së në Kosovë, Tomas Szunyog, thuhet se gjatë kohë së hartimit të raportit, Kosova është ende në fazat fillestare të luftës kundër korrupsionit, krimit të organizuar, dhe qëndron dobët sa i përket përgatitjes së një sistemi të Vetting-ut.
“Kosova është ende në një fazë të hershme në zhvillimin e një sistemi gjyqësor funksional. Administrimi i përgjithshëm i drejtësisë vazhdon të jetë i ngadalshëm, jo-efikas, dhe i prekshëm nga ndikimet politike. Pak progres është bërë gjatë periudhës së hartimit të raportit”, shkruan në raportin e KE-së.
Ndërsa KE të martën e 19 tetorit ka miratuar Paketën e tij të Zgjerimit për vitin 2021, duke siguruar një vlerësim të detajuar të gjendjes dhe përparimit të bërë nga Ballkani Perëndimor dhe Turqia drejt Bashkimit Evropian (BE).
Komisioni në vlerësimin e tij ka konstatuar se Kosova ka përmbushur të gjitha standardet për liberalizimin e vizave, por propozimi është ende në pritje në KE.
Në raport shkruhet se kjo duhet trajtuar si një çështje urgjente.
Gjithashtu, aty theksohet se administrimi i përgjithshëm i drejtësisë vazhdon të jetë i ngadalshëm, joefikas dhe i prekshëm nga ndikimi i parregullt politik.
Kryeministri Kurti me të pranuar raportin nga shefi i BE-së Kosovë, Szunyog në një konferencë të përbashkët me të ka thënë se Kosova ka shënuar progres, sidomos në 6 mujorin e qeverisjes së tij, duke njehur i të arritura funksionalizimin e Kuvendit, zgjedhjen e presidentes si një të arritur të lartë dhe funksionalizimin e shpejtë të Qeverisë.
Ndërsa, Presidentja Osmani ka deklaruar se prioritet i Kosovës është anëtarësimi në BE.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
-
Szunyog kërkon nga Kosova dhe Serbia bashkëpunim për Deklaratën për Personat e Zhdukur
-
Gjykimi ndaj Krivaqës dhe Sejdiut nis më 16 maj
-
Martens: Kushtëzimi i Kosovës s’do të thotë gjë tjetër veçse t’i jepet Serbisë e drejta e vetos në Këshillin e Evropës
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës