Kreu i Aleancës për Ardhmërinë e Kosovës (AAK), Ramush Haradinaj, përmes një shkrimi në rrjetin social ‘Facebook’, ka deklaruar se është i shqetësuar për sulmet që po u bëhen gazetarëve nga pushteti aktual.
Sipas tij, një shoqëri është e lirë po aq sa i ka mediat e lira.
“Janë tejet shqetësuese sulmet që u janë bërë gazetarëve e mediave, nga eksponentë të ndryshëm të pushtetit aktual. Liria e mediave duhet të jetë e pacenueshme. Ky është obligim, jo vetëm kushtetues e ligjor, por edhe moral! Sot në Ditën Botërore të Lirisë së Mediave, të bashkohemi në mbrojtje të këtyre vlerave të panegociueshme të demokracisë”, ka shkruar Haradinaj.
Kreu i AAK-së, ka shtuar se shkalla e demokracisë matet me nivelin e lirisë së fjalës, lirisë së mendimit e të medias.
Ndryshe, liria e medias në Kosovë konsiderohet më pozitive sesa vitet e kaluara por megjithatë ky shtet vazhdon të mbetet në listën e vendeve me “situatë problematike”.
Organizata Reporterët pa Kufij së fundi kanë publikuar indeksin e Lirisë së Shtypit Botëror, ku Kosova shihet të ketë shënuar përparim në këtë drejtim.
Këtë vit, Kosova radhitet në vendin e 61-të, ose 18 vende më lart sesa vitin e kaluar, ku ishte e radhitur në pozitën e 87-të.
Trendi i rritjes vjen pas rënies që ka shënuar vitin e kaluar – për tetë pozita – në krahasim me renditjen e vitit 2020.
Por, edhe përkundër përparimit, Kosova vazhdon të mbetet në mesin e vendeve me “situatë problematike”, siç e vlerësojnë Reporterët pa Kufij.
Prej tyre, ngjashëm si Kosova, përparim kanë shënuar: Maqedonia e Veriut në pozitën e 57-të nga 90, Serbia në pozitën 79 nga 93 dhe Mali i Zi në pozitën 63 nga 104.
Shqipëria ka pësuar përkeqësim – nga pozita 83 ku ka qenë vitin e kaluar, në pozitën 103.
Ngjashëm edhe Bosnje e Hercegovina: vitin e kaluar ka qenë në pozitën 58, sivjet në 67.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Komandanti i KFOR-it kërkon nga Kurti e Sveçla që të shmangen veprimet e njëanshme
-
Politikani katalunas: Spanja hipokrite dhe me standard të dyfishtë – njeh Palestinën, por jo edhe të drejtën e kosovarëve për shtet
-
Trump josh njujorkezët hezitues në mitingun e Bronx-it
Lajmet kryesore
-
Gërvalla: Nuk e zbatojmë variantin e BE-së për Asociacionin, derisa Beogradi nuk zbaton marrëveshjen e Brukselit
-
Basha kritikon sjelljen e Vuçiç në OKB: Simboli me tre gishta, sinjal i keq për stabilitetin e rajonit
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Shoqata e Mikrofinancës dënon praktikat në shkelje të ligjit, pas rasteve abuzive të publikuara