Shtëpia e futbollistit të Napolit, Khvicha Kvaratskhelia, ishte shënjestër e hajdutëve në mëngjesin e së enjtes.
Siç raportohet nga “Corriere dello Sport”, yllit gjeorgjian iu vodh makina e tij, Mini Countryman.
Kvaratskhelia nuk u dëmtua nga kjo grabitje, derisa menjëherë lajmëroi policinë, para se të shkonte në stërvitje.
#Napoli, disavventura per #Kvaratskhelia: furto in casa https://t.co/r0ABdJfng8
— calciomercato.com (@cmdotcom) November 3, 2022
Shumë lojtarë të Serisë A kanë qenë shënjestër e hajdutëve këtë vit, me incidente të tjera të fundit duke përfshirë vjedhjen e makinës së Mady Camara në Romë, tentativën për të thyer shtëpinë e Angel Di Maria-s në Torino dhe thyerjen e shtëpisë së Theo Hernandez në Milano.
Sa i përket Kvaratskhelia-s, ai është një nga futbollistët me formën më të mirë në Itali dhe jo vetëm.
Pasi u bashkua me Napolin në afatin kalimtar të kësaj vere për 10 milionë euro nga Dinamo Batumi, 21-vjeçari ka shkëlqyer me fanellën e klubit italian, duke shënuar tetë gol dhe 10 asistime në 17 ndeshje në Serie A dhe Ligën e Kampionëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
