Ndeshjet në NBA ishin interesante, befasuese dhe dramatike.
Shumë skuadrave po iu mungojnë lojtarët e tyre kryesorë, pasi ata po hyjnë në protokollin e NBA për COVID-19.
Dueli mes Boston Celtics dhe Golden State Warriors përfundoi me fitoren e këtyre të fundit me rezultat 107:111.
Pjesa e parë ishte plotësisht e dominuar nga Warriors, por epërsia u ngushtua në çerekun e tretë, ku Celtics luftonin për fitore.
Celtics ishin shumë afër të barazojnë rezultatin në minutat e fundit, po dy gjuajtje të lira nga Damion Lee shuajtën shpresat e trefletshave.
Më të dalluarit te GSW ishin Stephen Curry me 30 pikë dhe Andrew Wiggins me 27.
Ndërsa te Celtics, më të mirët ishin Jayson Tatum me 27 pikë e 8 kërcime, Jaylen Brown me 20 pikë e 9 kërcime dhe Marcus Smart me 19 pikë.
Ndeshja tjetër mes Minnesota Timberwolves dhe Los Angeles Lakers përfundoi me befasi, me fitoren e këtyre të parëve me rezultat 110:92.
Në pjesën e parë, Timberwolves ishin më të mirë, por nuk kishin dominancë totale mbi Lakers.
Ndërsa në pjesën e dytë, ata shkatërruan Lakers duke thelluar rezultatin edhe më shumë.
Te ekipi i Los Angelos-it, u kthye edhe Isaiah Thomas, i cili ishte duke luajtur në G-League për të impresionuar ekipet e NBA.
Ai pati një debutim shumë të mirë, pasi shënoi më së shumti pikë nga ekipi i Lakers.
Më të dalluarit te Lakers ishin Thomas me 19 pikë dhe LeBron James me 18 pikë e 10 kërcime.
Ndërsa te Timberwolves, më të mirët ishin Karl Anthony Towns me 28 pikë e 10 kërcime dhe Michael Beasley e D’Angelo Russell me nga 17 pikë.
Ndeshjet e tjera të luajtura përfunduan kështu:
Utah Jazz – San Antonio Spurs 126:128
Portland Trail Blazers – Charlotte Hornets 125:116
Orlando Magic – Miami Heat 105:115
Atlanta Hawks – Denver Nuggets 115:133
New Orleans Pelicans – Milwaukee Bucks 116:112
Sacramento Kings – Memphis Grizzlies 124:105
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës