Forca e Sigurisë së Kosovës së bashku me të gjitha institucionet e sigurisë dhe emergjencave të vendit, që nga dita e marte kanë nisur të realizojnë ushtrimin fushor “Silver Sabre 2021”, me qëllim të testimit të gatishmërisë dhe bashkëpunimit të institucioneve të sigurisë dhe emergjencave në Republikën e Kosovës.
Ushtrimi fushor në fjalë do të zgjas deri në ditën e enjte, ku me kapacitetet e tyre në skenarë të ndryshme bazuar në planin e reagimit kombëtar përveç FSK-së pjesëmarrës do të jenë Policia e Kosovës, KFOR-i, Agjencia për Menaxhimin e Emergjencave ,Kryqi i Kuq dhe Drejtoria për mbrojtje dhe shpëtim nga Komuna e Gjakovës.
“Forca e Sigurisë së Kosovës do të angazhoj kapacitetet e Gardës Kombëtare me qëllim të avancimit dhe ndërveprueshmërisë me institucionet vendore dhe ndërkombëtare, në kuadër të operacioneve të Mbështetjes Ushtarake për Autoritetet Civile”, thuhet në komunikatë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Filipinet i bëjnë thirrje SHBA-ve dhe aleatëve të rrisin investimet në vend
-
Izraeli tashmë ka shkatërruar qindra shtëpi në këtë fshat beduin
-
Bizneset perëndimore tërhiqen nga planet e tyre të largimit nga Rusia
-
Gozi: Vetëm struktura aktuale mund të garantojë një të ardhme për BE-në, Meloni është mësuar të gënjejë
