Në ditët e fundit kishin qarkulluar lajme se trajneri italian, Luigi Di Biaggio, do ta merrte drejtimin e Shqipërisë në vend të bashkëkombësit të tij, Edoardo Reja.
Por, këto lajme i ka mohuar Federata Shqiptare e Futbollit, të cilët përmes një sqarimi në faqen e tyre zyrtare kanë thënë se Reja vazhdon të jetë përzgjedhës i kuqezinjve.
“Federata Shqiptare e Futbollit dëshiron të informojë dhe sqarojë të gjithë opinionin publik e mediat se zërat që kanë qarkulluar orët e fundit në lidhje me një marrëveshje të mundshme me Luigi Di Biaggio-n për drejtimin e Shqipërisë janë totalisht të pavërteta dhe një spekulim i pabazë”, thuhet në njoftimin e FSHF-së.
“Kombëtarja shqiptare e futbollit ka në drejtimin e saj trajnerin Edoardo Reja, i cili është ende nën kontratë e vazhdon punën e tij”, shkruan FSHF.
Luigi Di Biaggio aktualisht është i papunë, derisa në karrierën e tij ka drejtuar kombëtaret U20 dhe U21 të Italisë, si dhe ekipin e Spal.
Në vazhdim në këtë shkrim thuhet se synimi i kombëtares kuqezi do të jetë kualifikimi në Kampionatin Evropian të ardhshëm.
“Federata Shqiptare e Futbollit bën me dije se fokusi ynë është te shorti i Kampionatit Evropian 2024, i cili do të hidhet në datë 9 tetor në Frankfurt”, shkruan FSHF.
Kujtojmë që Shqipëria po kalon momente shumë të vështira në kohët e fundit.
Kuqezinjtë nuk kanë fituar në shtatë ndeshjet e fundit, përfshirë këtu edhe takimet e Ligës së Kombeve, ku kanë grumbulluar vetëm dy pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
