Etna, jeta nën pluhurin vullkanik të shpërthimeve të përsëritura (video)

Irene Corsaro nuk do ta harrojë kurrë mësimin e saj të parë të vozitjes nën një reshje hiri të zi nga Mali Etna. Ashtu si shumë sicilianë nga Catania, 18-vjeçarja ka mësuar shpejt se si të shkojë në shtëpi në një rrugë të mbuluar nga pluhuri vullkanik gjatë një prej 11 shpërthimeve të vullkanit në tre javorëshin e fundit. Një shpërthim i 12 thuhej se do ndodhte ditën e sotme.

Shpesh, katër kraterat kryesore të vullkanit zgjohen njëkohësisht me shpërthime intensive. Këto episode krijojnë një spektakël natyror fishekzjarresh, të mbushur me flluska, burime dhe rrjedha lavash. Brenda pak minutash, qytetet dhe fshatrat fqinjë janë mbushur me copëza hiri dhe mbeturina të tjera.

‘Hiri në çatinë time’

Udhëtimi i Irene me nënën e saj nëpër rrugët e shkreta të qytetit të saj në Nicolosi, në shpatet e Etna, u kthye në një makth. Makina e saj Peugeot 107 u ndalua nga një tingull që nuk e kishte dëgjuar kurrë më parë.

“Ishte si një kërcitje e papritur; si breshër që shkarkohej. Unë mendova se ishte për shkak të hirit në rrugë,” tha ajo. “Në vend të kësaj, ishin fragmente lave që binin në çatinë e makinës dhe në xhamin tim nga një re gjigande e kuqe pikërisht sipër nesh.”

Dëshmimi i fuqisë shkatërruese së Etna-s

Nga dritarja ime, 20 km në jug-lindje të majës së Etna-s, kam një pamje të pandërprerë të vullkanit. Është diçka e rrallë të jesh në ambiente të mbyllura ndërsa natyra vërshon energjinë e saj.

Fillon me një kolonë pluhuri që mund të ngjitet deri në 12 km, pastaj burime lavash, rrjedhje piroklastike dhe madje vetëtima – kryesisht nga krateri jug-lindje, por edhe nga tre të tjerët.

Shpërthimet mund të jenë spektakolare, por kthehen në një bezdi të vazhdueshme.

Kam kaluar një pjesë të madhe të tri javëve të fundit të lockdown-it duke fshirë dyshemenë.

Xhamat e makinës sime mbulohen vazhdimisht nga një pastinë e errët e njollosjes, por nuk duhet të përdorni ujë për ta pastruar atë. Kjo lustër përmban grimca të mprehta qelqi që do ta gërvishin pa u riparuar.

Nuk është çudi që disa njerëz i kanë mbështjellë makinat e tyre të parkuara në çarçafë për t’i mbrojtur.

Për sa kohë që aktiviteti mbetet në majë nuk ka asnjë rrezik. Ka më shumë mundësi shpërthimesh, por as ekspertët nuk mund të parashikojnë se kur do ngjajë e rradhës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.