Kampionia e Wimbledon-it, Elena Rybakina, arriti një tjetër finale të madhe teksa mundi dy herë fituesen Victoria Azarenka në gjysmëfinalet e Australian Open.
Rybakina, 23 vjeçe, fitoi 7-6 (7-4) 6-3 për t’i dhënë fund shpresave të Azarenkës për të fituar titullin 10 vjet pas triumfit të saj të fundit.
Ajo e rifitoi qetësinë e saj në një fund nervoz në setin e parë përpara se të dominonte me besim në të dytin.
Në finalen e së shtunës, ajo do të luajë me bjellorusen, Aryna Sabalenka ose me polaken, Magda Linette.
“Jam shumë e lumtur që jam në finale dhe luaj edhe një herë këtu”, tha Rybakina, e cila do të garojë në finalen e saj të dytë të madhe.
“Ishin kushte të ndryshme, nuk mund të luaja tenis agresiv, por e lumtur që fitova. Kam marrë shumë përvojë nga Wimbledon dhe dua të vij në fushë (për finale) dhe të shijoj momentin”, shtoi tenistja.
Rybakina ka qenë një nga kampionet më të paparashikueshme të Wimbledon në historinë e kohëve të fundit si rezultat i profilit të saj të ulët dhe një renditjeje më të ulët se sa pritej të shkaktuar nga mosdhënia e pikëve në All England Club vitin e kaluar.
Në Melbourne Park, kazakja shtatlartë ka sjellë edhe një herë talentin e saj të jashtëzakonshëm.
Në US Open vitin e kaluar, Rybakina tha se ajo nuk “ndihej si një fituese e madhe” sepse u rendit jashtë 20-shes së botës pasi pikët iu hoqën për shkak të Wimbledon që ndalonte lojtarët rusë dhe bjellorusë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
