Të hënën e 20 shkurtit, një fëmijë është sulmuar fizikisht në çerdhën “Nina” në Mitrovicë nga edukatorja e këtij institucioni.
Lajmi është kumtuar nga pronarja e këtij institucioni, Agnesa Shipoli Nika.
“Më datën 02.02.2023 në Institucionin tonë parashkollorë “Kopsht dhe Çerdhe Nina”, me pronare Agnesa Shipoli Nika, ka ndodhur sulmi fizik ndaj fëmijut S.I nga ana e edukatores A.A, e cila është edukatore e punësuar në institucionin tonë”, thuhet në komunikatën e publikuar nga ky institucion.
Nga drejtoresha, është thënë se pas informimit për këtë rast është bërë shiqimi i vdeo-kamerave të institucionit me ç’rast është vërtetuar se edukatorja e kishte qëlluar fëmijën me S.I me një shuplakë në fytyrë.
Për këtë rast Nika ka thënë se e ka ftuar edukatoren në fjalë për t’i kërkuar sqarim lidhur me sjelljen e saj të kundërligjshme.
”Nisur nga fakti se sjelljet e tilla janë të papranueshme në institucionin tonë dhe njëherit janë sjellje kundërligjore, pa humbur kohë kam kontaktuar me prindin e fëmijës V.I, të cilin e kam njoftuar lidhur me rastin që ka ndodhur duke i ofruar dëshmitë e nevojshme në dispozicion”, është shprehur tutje pronarja e çerdhes.
Gjithashtu, ajo ka thënë se prindin e fëmijës e ka inkurajuar që rastin ta inicioj në Policinë dhe Prokurorinë e Kosovës deri në zbardhjen e plotë të tij.
“Personalisht, po atë ditë kam dhënë deklaratën në Policinë e Kosovës, ku kam paraqitur të gjitha provat materiale lidhur me rastin dhe kam shprehur gatishmërinë për bashkëpunim me organet e rendit në cdo kohë”.
“Me anë të kësaj komunikate shprehi keqardhje që një rast i tillë ka ndodhur në institucionin tim dhe me anë të këtij vetëdeklarimi siguroi prindërit dhe opinionin se sjelljet e tilla janë të patolerueshme në institucionin tonë. Për sjelljet e tilla nuk kam heshtur dhe nuk do të hesht asnjëherë”.
Edhe më 27 nëntori, në media ishte publikuar një video ku logopedi I.F nga Gjilani kishte abuzuar psiqikisht në ordinancën e tij një fëmijë 5 vjeçar të diagnostikuar me autizëm.
I.F, përveç se udhëhiqte ordinancën e vet, ishte emëruar edhe ud. i shefit të shërbimit të Logopedisë në Qendrën Klinike Universitare të Kosovës nga ushtruesja e detyrës së drejtoreshës në Shërbimin Spitalor Klinik Universitar të Kosovës (SHSKUK), Pranvera Zejnullahu-Raçi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tanke izraelit në qendër të Rafahut, raportojnë mediat
-
Kuvendi i Maqedonisë së Veriut mban seancën konstituive, Afrim Gashi pritet të zgjidhet kryetar
-
Apeli lë në fuqi masën e sigurisë për ish-drejtorin e IT-së në Policinë e Shtetit
-
Rezoluta për antikorrupsionin kaloi, “përshpejtimi i mazhorancës dhe hipokrizia e opozitës”