Drita me hap para drejt titullit kampion, mposht Llapin derisa Ballkani ngec ndaj Prishtinës
Drita ka bërë një hap para drejt titullit kampion në këtë edicion në Superligën e Kosovës në futboll.
“Intelektualët” e mposhtën në udhëtim Llapin me rezultat 0:2, ndërkohë që në ndeshjen e sotme të po kësaj xhiroje (32-të) ndjekësi më i afërt, Ballkani, barazoi në shtëpi me Prishtinën me shifrat 1:1.
Në pjesën e parë, Drita ishte me fat, kur Festim Alidema gaboi nga penalltia në minutën e 21-të për ta kaluar Llapin në epërsi.
Fraksioni i parë përfundoi pa gola, derisa në minutën e 58-të, gjilanasit kaluan në epërsi me golin e shënuar nga Blend Baftiu.
Në vazhdim Drita arriti ta ruante rezultatin, derisa krejt në fund të ndeshjes e shënoi edhe golin e sigurisë, kur në minutat shtesë realizoi Ovouka.
Kështu Drita mori fitore shumë të vlefshme që pas katër xhirove mund të shpërblehet me titull kampion.
Ndërsa Llapi ngelet në vendin e gjashtë me 41 pikë, pesë më pak se vendi i katërt (që e dërgon në Evropë) që mbahet nga Prishtina.
Në ndeshjen tjetër, kampioni në fuqi i Kosovës, Ballkani, zhgënjeu para tifozëve të tyre, duke barazuar me Prishtinën me rezultat 1:1.
Golin e vetëm për prishtinasit e shënoi Kryeziu në minutën tretë shtesë të pjesës së parë.
Në pjesën e dytë, skuadra e Ilir Dajës u mundua të reagonte, derisa e gjeti vetëm golin e barazimit, krjet në fund të ndeshjes, kur në minutën e pestë shtesë shënoi Albion Rrahmani.
Pra, me rezultatet e sotme, Drita është në rrugë të mirë për tu kurorëzuar me titullin kampion, derisa distanca thellohet në tri pikë me Ballkanin e vendit të dytë, kur kanë mbetur edhe katër xhiro nga fundi i kampionatit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës