Disa vende anëtare evropiane të NATO-s po bëjnë thirrje që objektivi i shpenzimeve të mbrojtjes të aleancave të rritet në 3 për qind të PBB-së nga 2 për qind aktuale.
Kështu deklaroi të martën zyrtari më i lartë i mbrojtjes i BE-së.
“Kur aleatët e NATO-s po rrisin buxhetin e tyre në të paktën 2 për qind të PBB-së, disa njerëz flasin tashmë rreth 3 për qind”, tha Timo Pesonen, drejtori i përgjithshëm i Komisionit Evropian për industrinë e mbrojtjes, në një ngjarje të qendrës së politikave evropiane.
Presioni për të rritur shpenzimet vjen ndërsa lufta mbrojtëse e Ukrainës kundër Rusisë zvarritet në vitin e saj të tretë.
“Njerëzit po spekulojnë se sa kohë do të zgjasë lufta, që për mendimin tim është një spekulim i kotë sepse kërcënimi do të mbetet”, tha Pesonen.
Ai i bëri komentet disa ditë pasi Sekretari i Përgjithshëm i NATO-s, Jens Stoltenberg tha se aleatët “duhet të shkojnë më tej” se 2 për qind, një objektiv i vendosur një dekadë më parë në vazhdën e aneksimit të paligjshëm të Krimesë nga Rusia.
Kërcënimi nga Moska është rritur vetëm që atëherë.
Polonia dhe Greqia janë dy vendet e vetme të BE-së në NATO që shpenzojnë më shumë se 3 për qind të PBB-së për mbrojtjen, së bashku me Shtetet e Bashkuara.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Prodhimi i armëve”, Çfarë parashikon projektligji i hedhur në konsultim
-
Meloni detyrohet ta shtyjë vizitën për në Shqipëri – kontratë për menaxhimin e emigrantëve, por jo qendra
-
Franca “mbështet ICC-në dhe luftën kundër mosndëshkimit”
-
SHBA-ja kritikon Kosovën për “përshkallëzim të tensioneve” pas mbylljes së degëve të bankës serbe në veri
