Ceferin: Skandali i Barcelonës me arbitra është situata më serioze që kam parë ndonjëherë në futboll
Presidenti i UEFA-s, Aleksander Ceferin thotë se skandali i arbitrave me të cilin përballet Barcelona është një nga situatat më të rënda që ai ka parë ndonjëherë në futboll.
Organi drejtues i futbollit evropian njoftoi në mars se kishte hapur një hetim për pagesat që Barcelona i kishte bërë ish-zëvendëspresidentit të komitetit të arbitrave në Spanjë.
Mes viteve 2001 dhe 2018, Barcelona i pagoi mbi 7 milionë euro Jose Maria Enriquez Negreira.
Klubi katalanas thotë se ata po blinin “raporte teknike mbi arbitrimin” dhe mohojnë blerjen e zyrtarëve të ndeshjes apo ndikimin.
“Situata është jashtëzakonisht serioze”, tha Ceferin në një intervistë me gazetën sllovene “Ekipa” të hënën kur u pyet për ngjarjet rreth Barcelonës. “Është aq serioze sa, për mendimin tim, është një nga situatat më serioze në futboll që kam parë ndonjëherë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
