Futbollisti i skuadrës së Milan-it, Hakan Calhanoglu, si duket, më në fund ka vendosur për të ardhmen e tij.
Ai nuk do të vazhdojë kontratën e tij me Milan-in, e cila i skadon më 30 qershor, si dhe tashmë ka vendosur të tradhtojë kuqezinjtë për të nënshkruar me rivalët e përbetuar të qytetit, Inter-in.
Sipas gazetarit të njohur italian, Fabrizio Romano, Hakan Calhanoglu pritet këtë të martë t’i kryej testet mjekësore te klubi i Inter-it, të cilët do të nënshkruajë një kontratë tre-vjeçare.
Mesfushori 27-vjeçar, kishte kërkuar një pagë prej 5 milionë euro në sezon, për të vijuar bashkëpunimin me Milan-in, të cilët nuk i ofruan turkut më shumë se katër, përfshirë këtu edhe bonuset.
Nga kjo mosmarrëveshje financiare nga ana e klubit dhe futbollistit, më së miri përfituan skuadra e Inter-it, duke i ofruar pagën që ai kërkonte, të ndihmuar edhe nga fakti që futbollisti është i lirë dhe nuk kanë nevojë të shpenzojnë për blerjen e kartonit të tij.
Hakan Calhanoglu është pjesë e skuadrës së Milan-it që nga viti 2017, me të cilët ka regjistruar 172 paraqitje duke shënuar 32 gola në të gjitha garat.
Derisa, kujtojmë që ai mbylli Kampionatin Evropian me kombëtaren e tij turke, me një paraqitje dëshpëruese, të cilët pësuan tri humbje në grupe në po aq ndeshje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE