Borrell vlerëson harmonizimin e Shqipërisë me Politikën e Përbashkët të Jashtme dhe të Sigurisë së BE-së
Përfaqësuesi i lartë i Bashkimit Evropian, Josep Borrell, me anë të një statusi në median sociale Twitter, ka vlerësuar harmonizimin e Shqipërisë me Politikën e Përbashkët të Jashtme dhe të Sigurisë së BE-së.
Borrell për këtë ka falënderuar ministren për Evropën dhe Punët e Jashtme, Olta Xhaçka.
Në shkrimin e tij, përfaqësuesi i lartë i BE-së vë theksin te veprimet që Shqipëria ka marrë ndaj pushtimit të Rusisë në Ukrainë.
Ai shkruan se “që nga dita e parë e pushtimit, Shqipëria ka mbrojtur rendin ndërkombëtar si anëtare e Këshillit të Sigurimit të OKB-së”.
I thanked @xhacka_olta for Albania’s continued 100% alignment to the EU’s Common Foreign and Security Policy.
Albania has taken action from the first day of #Russia’s invasion of #Ukraine defending the international order as member of the @UN Security Council. pic.twitter.com/d2zwxMnKTR
— Josep Borrell Fontelles (@JosepBorrellF) March 15, 2022
Takimi i Xhaçkës me Borrell-in
Pak më parë, Xhaçka është takuar me përfaqësuesin e lartë të Bashkimit Evropian për Punët e Jashtme, Josep Borrell, ku ka diskutuar një sërë çështjesh, mes të cilave më e rëndësishmja është ajo e integrimit të rajonit dhe mbajtja e Konferencës së parë Ndërqeveritare me Shqipërinë, pavarësisht kohëve shumë të vështira që po kalon kontinenti.
Ministrja i ka shprehur zyrtarit të lartë shqetësimet mbi përballjen me krizën aktuale dhe masat e shtuara për sigurinë evropiane.
Procesi i integrimit të rajonit, sipas saj, duhet të përshpejtohet dhe Ballkani, nuk duhet lënë jashtë vëmendjeje, përtej arsyes se themeli kryesor i diskutimeve në Evropë momentalisht është lufta në Ukrainë.
Me këtë fakt ka rënë dakord edhe vetë Borrell dhe ka siguruar se angazhimi i BE-së do të tregohet në disa rrugë e mënyra, për ta bërë rajonin pjesë të zgjidhjeve të qëndrueshme.
Very timely discussion w/🇪🇺 @JosepBorrellF on the security & stability of the #WB. Reaffirmed our support for 🇺🇦 in full alignment with #EU. Stressed importance of tangible progress of the 🇪🇺 integration in our region & of the 1st IGC in this challenging time.🇦🇱🤝🇪🇺 pic.twitter.com/jBGdu2m7yQ
— Olta Xhaçka🇦🇱 (@xhacka_olta) March 15, 2022
Një pikë tjetër diskutimesh ka qenë edhe kriza e shkaktuar nga agresioni rus në Ukrainë.
Të dy palët u pajtuan mbi faktin se duhet forcim i unitetit në këto ditë. Mbi të gjitha, duhet një veprim vendimtar për ndalimin e mjeteve që ushqejnë luftën, gjë që është e një rëndësie parësore.
Përfaqësuesi i Lartë vlerësoi po ashtu aksionin diplomatik të Shqipërisë në Këshillin e Sigurimit të OKB-së dhe në organizatat e tjera ndërkombëtare, linjëzimin e plotë me qëndrimet e BE-së, masat kufizuese në praktikë dhe gadishmërinë për të pritur qytetarët e zhvendosur nga Ukraina për shkak të agresionit.
Së bashku me SHBA-të, Shqipëria është bashkëpenëmbajtëse e kauzës ukrainase në Këshillin e Sigurimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vrau ish-gruan Enkelejda Danaj me thikë në Athinë, lihet në burg shqiptari
-
Megaoperacioni i SPAK/ Burg për 4 anëtarët e tjerë të grupeve kriminale, shtyhet vendimi për Emiljano Shullazin
-
Drejtësia e re, Wisner: Është koha të ndërmerrni hapa më të ndërlikuar
-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia