Ish-presidentja e përkohshme e Bolivisë, Jeanine Áñez, dhe disa ish-ministra të qeverisë boliviane janë arrestuar nën akuzën e organizimit të një grushti shteti ndaj presidentit Evo Morales në vitin 2019.
Prokurorët kanë ngritur argumentet mbi përpjekjet e saj dhe të ministrave të asaj kohe.
Morales-i u largua nga Bolivia pas protestave mbi akuzat e mashtrimit elektoral.
Áñez e përshkroi ngjarjen si një përpjekje nga Morales-i për të marrë hak. Partia e tij, ajo Socialiste, është rikthyer tashmë në pushtet.
Socialistët korrën një fitore të madhe në zgjedhjet presidenciale dhe ato të Kongresit në tetor 2020. Kjo ja shtroi rrugën ish-presidentit që të rikthehej në jetën politike boliviane.
Kolegu i tij brenda partisë, Luis Arce, është zgjedhur president pas fitores. Pavarësisht skenarëve të ndryshme, ai ka pohuar se “do të ndjekë rrugën e tij politike dhe jo atë të Morales-it”.
Për shkak se ishte senatorja më e vjetër, Áñez-i mori drejtimin e vendit sipas kushtetutës. Por pjesëtarët e partisë Mas e akuzuan atë se kishte përdorur policinë dhe figura ushtarake për të skicuar largimin e tij.
Ajo u arrestua në orët e para të mëngjesit të dielën e 13 marsit. Ngjarja ndodhi në qytetin e Trinidad-it, ku ndodhen ndërtesat qeveritare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Nis takimi trepalësh në Bruksel
-
Mediu i kërkon GJKKO-së të kryhet një akt i ri ekspertimi ekonomiko-financiar për Gërdecin
-
Miqësia ‘pa kufi’ Putin-Xi do të vihet në provë gjatë vizitës shtetërore në Kinë
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri
