BE-ja duhet të jetë gati të pranojë anëtarë të rinj deri në vitin 2030, propozimi që do të vijë nga Michel në Slloveni

Bashkimi Evropian duhet të jetë gati të pranojë shtete të reja anëtare deri në vitin 2030.

Kjo do të jetë deklarata e presidentit të Këshillit të Evropës, Charles Michel, në Slloveni – zbuluar nga prestigjiozja “Financial Times’.

Ajo do të shënojë një debat ekzistencial mbi zgjerimin që do të dominojë diskutimet e nivelit të lartë brenda bllokut nga tani deri në fund të vitit.

Lufta e Rusisë kundër Kievit ka ringjallur politikën e zgjerimit të BE-së më parë në koma.

Brukseli ka bërë Ukrainën, Moldavinë dhe Shqipërinë vende kandidate dhe ka nxitur një debat serioz të brendshëm mbi mënyrën sesi blloku mund të akomodojë deri në tetë anëtarë të rinj.

“Nëse duam të jemi të besueshëm, duhet të flasim për kohën”, do të thotë Michel në një fjalim sot në Slloveni.

“Ndërsa përgatisim agjendën e ardhshme strategjike të BE-së, ne duhet t’i vendosim vetes një objektiv të qartë – ne duhet të jemi gati, nga të dyja anët, deri në vitin 2030 për t’u zgjeruar”.

Ai do të theksojë se zgjerimi duhet trajtuar si një nga sfidat kryesore.

“Si për BE-në ashtu edhe për shtetet e saj të ardhshme anëtare”, do t’i tregojë Michel Forumit Strategjik të Bled-it dhe një auditori të caktuar për të përfshirë liderë nga vendet kandidate Moldavia, Shqipëria, Maqedonia e Veriut, Mali i Zi, Serbia dhe Bosnje-Hercegovina.

Roli i Michel si president i këshillit është të inkurajojë dhe të tërheqë 27 vendet anëtare në konsensus, dhe deklarata e tij e guximshme sugjeron se ai ka dëgjuar mjaftueshëm rreth tryezës në samitet e fundit të liderëve për të besuar se është e mundur.

Udhëheqësit e BE-së do të kenë diskutimin e tyre të parë të dedikuar mbi këtë temë në Granada, Spanjë, në fillim të tetorit.

Ukraina po shtyn që BE të bie dakord për të filluar procesin e tyre zyrtar të pranimit deri në fund të vitit.

Dhe çështja se si t’u ofrohet mbështetje financiare të gjithë kandidatëve (por Ukrainës në veçanti) është në qendër të një debati të vazhdueshëm, paralel për plotësimin e buxhetit të BE-së.

Takimin ballkanik Rama e bën në Bled, në krah të djathtë ka Kurtin

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.