Kosova ka pësuar humbje nga Sllovakia 73:77, në kuadër të parakualifikimeve evropiane për Kupën e Botës 2023.
Basketbollistët e Kosovës qysh në fillim ishin të motivuar për fitore, ku çerekun e parë e fituan me rezultat 23:15.
Për dallim nga ndeshja me Luksemburgun, “Dardanët” ishin më të mirë në mbrojtje dhe me një lojë ekipore, e mbyllën çerkeun e parë me tetë pikë epërsi, derisa me lojë të mirë vazhduan edhe në periudhën e dytë, ku kishin epërsi deri në 12 pikë.
Por, më pas sllovakët u treguan më të mirë, duke ngushtuar shirat në 37:35, rezultat me të cilin përfundoi pjesa e parë.
Perioda e tretë ishte shumë interesante dhe e luftuar nga dy skuadrat. Epërsia më e lartë e vendasve ishte pesë pikë, kurse sllovakët arritën që të kalojnë në epërsi në një pikë dy herë, kurse rezultati në semafor pas 30 minutash ishte 54:55.
10 minutat e fundit të lojës, ishin mjaftë të luftuar, dhe përkundër përpjekjeve maksimale të Dardanëve, mysafirët fituan 73:77.
Kosova e përfundoi grupin me dy fitore dhe katër humbje, kurse sllovakët me tri fitore dhe tri humbje, u kualifikuan tutje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
