Ndeshja e shumëpritur mes legjendës së boksit Floyd Mayweather dhe “youtuberit”, Logan Paul do të zhvillohet me 6 qershor 2021.
Lufta mes këtyre dyve ishte planifikuar fillimisht për 20 shkurt, por u vendos që të shtyhet deri në qershor të këtij viti.
it’s finally official… fighting @FloydMayweather at the Hard Rock Stadium in Miami on Sunday, June 6.
LET’S FUCKING GOOOOOOO 🥊 pic.twitter.com/Si8uvPPkjC
— Logan Paul (@LoganPaul) April 27, 2021
Mayweather nuk ka pasur ndeshje profesionale që nga viti 2017, kur ai mposhti Conor McGregor për ta marrë fitoren e tij të 50-të në karrierë.
Ai luftoi kik-boksierin japonez Tenshin Nasukawa në vitin 2018, por ajo nuk ishte ndeshje profesionale.
Kthimi i Mayweather në ring ështe i befasishëm por drejtori i “Mayweather Promotions” Leonard Ellerbe tha se ai e shikon këtë ndeshje si një mundësi për të rritur sportin e boksit.
Një nga boksierët më të mirë në histori, Floyd Mayëeather, ka një rekord të pa prekshëm me asnjë humbje dhe në duelin me Paul ai synon fitoren e tij të 51-të në karrierë.
Paul ka pasur një ndeshje profesionale me “youtuberin” KSI në nëntor të vitit 2019, të cilën e humbi me vendim të jurisë.
Logan Paul synon të pamundurën ku dëshiron fitoren e tij të parë profesionale kundër një nga boksierët më të mirë ndonjëherë.
Në të kundërtën, vëllai i tij i vogël, Jake Paul, ka arritur tre fitore në ring nga po aq ndeshje dhe i ka synimet e tij për të luftuar një luftëtar tjetër të MMA.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
