Policia e Kosovës ka njoftuar se ka arrestuar një të dyshuar për krime lufte në qytetin e Prizrenit.
“Është arrestuar i dyshuari mashkull për shkak të dyshimit se ka kryer veprën penale ‘Krime lufte kundër popullatës civile’ gjatë viteve 1998-1999 në rajonin e Prizrenit”, thuhet në raportin 24-orësh të policisë.
Bëhet me dije se me vendim të prokurorit i dyshuari pas intervistimit është dërguar në mbajtje.
Po ashtu, policia ka njoftuar edhe për një arrestim tjetër në fshatin Dren të Zubin Potokut, por për arsye tjera, i arrestuari dyshohet për veprën penale “Nxitje e përçarje dhe mos durimit”.
“Njësia policore gjatë patrullimit ka ndaluar një veturë të cilën e drejtonte i dyshuari mashkull kosovar. Gjatë legjitimimit njësia policore ka vërejtur se i dyshuari kishte të veshur një bluzë me mbishkrim përçarës dhe të urrejtjes, si dhe gjatë kontrollit në veturë është gjetur një thikë”, thuhet në raportin e policisë.
Njoftohet se bluza dhe thika janë sekuestruar, ndërsa i dyshuari pas inicimit të rastit me vendim të prokurorit është liruar në procedurë të rregullt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Abdixhiku: Letra e Scholzit, Macronit e Melonit ekspozoi populizmin e Kurtit – dështim spektakolar, dëm historik
-
Haziri pyet kryeministrin përse veproi “tinëz” presidentes: E keni zvarritur për tokë këtë Republikë
-
Dy sisteme Patriot do ta shpëtonin Kharkivin nga pushtimi, thotë Zelensky
-
Letra e plotë e Gjermanisë, Italisë dhe Francës për Kurtin
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin
