Arabia Saudite rrit çmimet e naftës për Azinë dhe Evropën

Nga prilli, vendet aziatike dhe evropiane do të duhet të paguajnë më shumë për naftën nga Arabia Saudite.

Lajmi u bë i ditur nga kompania amerikane “Bloomberg”.

Sipas Bloomberg-ut, Arabia Saudite e bëri të qartë se “sheh një rritje të kërkesës për naftë në Azi dhe Evropë, duke rritur çmimet për dërgesat e naftës së papërpunuar në këto rajone”.

Botimi shkruan se shumë ekspertë parashikojnë një rritje të çmimit të naftës në nivelin 100 dollarë/fuçi në sfondin e rimëkëmbjes së ekonomisë kineze pas heqjes së kufizimeve të Coronavirus-it dhe ngadalësimit të inflacionit në rajone të tjera të botës.

“Saudi Aramco e kontrolluar nga shteti rriti shumicën e çmimeve zyrtare për Azinë për muajin prill. Klasa kryesore e naftës e kompanisë, Arab Light, u bë 2.5 dollarë më e shtrenjtë se mesatarja rajonale dhe 50 cent më e shtrenjtë se në mars”, shkruhet në artikullin e Bloomberg.

Kompania mediatike vëren se çmimet për blerësit në Shtetet e Bashkuara “mbetën të pandryshuara dhe për klientët në Evropën veriperëndimore dhe në Mesdhe u rritën me 1,30 dollarë për fuçi”.

Vihet re se vendimet e çmimeve të Arabisë Saudite, eksportuesit më të madh të naftës në botë, shpesh përsëriten nga Iraku dhe Kuvajti.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.