Sergio Aguero tha se atij iu ofrua fanella ikonike me numrin 10 në Barcelonë, por e refuzoi atë “nga respekti” për Lionel Messin.
Aguero, i cili iu bashkua Barcelonës si agjent i lirë këtë verë pasi kontrata e tij me Manchester City kishte skaduar, zgjodhi fanellën me numrin 19, e cila po ashtu dikur ishte e Messi-t.
I pyetur për fanellën me numrin 10, Aguero tha: “Më është ofruar, por unë nuk e kam zgjedhur për respektin që kam për Messin”.
18-vjeçari Ansu Fati ka trashëguar numrin 10 te katalunasve pas largimit të Messit.
Messi, i cili iu bashkua PSG-së në një transferim falas pasi skadoi kontrata e tij, kishte veshur numrin 10 te Barcelona që nga viti 2008.
Sulmuesi argjentinas trashëgoi fanellën nga Ronaldinho, me Juan Roman Riquelme dhe Rivaldo në mesin e atyre që e kanë veshur numrin 10 para tij në Camp Nou.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE