Ministrja e Shtetit për Marrëdhëniet me Parlamentin, Elisa Spiropali nuk i ka kursyer kritikat ndaj opozitës duke deklaruar se “po kontrabandojnë hallet e tyre në kurriz të Kosovës”.
Reagimi i përfaqësueses socialiste erdhi pas kërkesës së deputetit demokrat Tritan Shehu, për miratimin e rezolutës mbi dënimin e gjenocidit serb në Kosovë.
“Humbja juaj sot është më e madhe se në 2019-ën ku nuk morët pjesë farë. Kjo fitore flet shumë për punën dhe ofertën tonë. Rrini brenda kufijve të Republikës dhe mos kaloni Morinën sa herë keni hallet tuaja. Nuk i kontrabandoni dot hallet tuaja në kurriz të Kosovës”, shprehu Spiropali nga foltorja e Kuvendit.
Ajo i numëroi opozitës gjashtë zgjedhjet e fundit të organizuara duke i cilësuar si “humbje pa asnjë mësim”.
“2013, 2015, 2017, 2019, 2021, 2023 – 6 palë humbje dhe asnjë mësim. Sipas jush o fitoni ju, o janë të manipuluara. Dikur e thoshit për ta justifikuar tani e besoni. Oferta tuaja për shqiptarët ka qenë vetë një: balta mbi kundërshtarin duke sjellë si alternativë, Ilirin, Saliun dhe Monikën”, vijoi ministrja shqiptare.
Deklarata e Shehut
Tritan Shehu u shpreh gjatë fjalës së tij se “Kosova është nën agresion nga Serbia dhe se Shqipëria nuk e miraton këtë rezolutë se qeveria ka hall se i mërzitet Aleksandër Vuçiç”.
“Një grup deputetësh kemi paraqitur prej një vit e ca një kërkesë për një mocion me debat ndaj gjenocidit serb në Kosovë. Ende nuk është futur në diskutim pranimi apo jo nga asambleja plenare e këtij diskutimi”, tha ai nga foltorja e Kuvendit.
Sipas tij, pa u dënuar ai gjenocid nuk ka askush të drejtë të kërkojë drejtësi.
“Parlamenti shqiptar nuk e kalon se mërzitet Vuçiç, ne heshtim në kundërshtim të plotë me rregulloren, me detyrimet e botës demokratike për të dënuar atë gjenocid”, vijoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
Nga Emiljano Shullazi te Albert Zaja, dalin sot para gjykatës 5 anëtarët e tjerë të grupeve kriminale
-
Vodhën euro në bankat e vendeve të BE dhe tentuan t’i hidhnin në treg, arrestohen dy persona
-
Abuzim me tendera, SPAK dërgon për gjykim ish-kryetaren e Bashkisë Patos dhe 6 zyrtarë