Në Dhomat e Specializuara të Kosovës në Hagë këtë të premte do të mbahen dy seanca gjyqësorë.
Ashtu siç është paralajmëruar në faqen zyrtare të Gjykatës, nga ora 9:00 nis gjykimi ndaj ish krerëve të UÇK-së Hashim Thaçit, Kadri Veselit, Jakup Krasniqit e Rexhep Selimit.
Kjo sencë do të vazhdoj me dëgjimin e prezentimit të dëshmive nga dëshmitarët e siguruar nga Prokuroria Speciale.
Ish-krerët akuzohen për krime të luftës: arrestim dhe ndalim i paligjshëm, trajtim mizor, torturë dhe vrasje e paligjshme. Ndërkaq, krimet kundër njerëzimit që ata akuzohen se kanë kryer janë: përndjekje, burgosje, akte të tjera çnjerëzore, torturë, vrasje e paligjshme dhe zhdukje me forcë e personave.
Ndërsa, 30 minuta më vonë, nga gjykimi parë, nis gjykimi ndaj Pjetër Shalës.
Në aktakuzën e konfirmuar, ish-pjesëtari i UÇK-së, Pjetër Shala ngarkohet me përgjegjësi penale individuale në forma të ndryshme për krime lufte si ndalim arbitrar, trajtim mizor, torturë dhe vrasje të paligjshme, të kryera në kontekstin e konfliktit të armatosur jondërkombëtar në Kosovë dhe në lidhje me këtë konflikt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin