Shtetet e Bashkuara planifikojnë të hapin një ambasadë në Vanuatu, ka konfirmuar Departamenti i Shtetit, ndërsa Washingtoni po lëviz për të rritur praninë e tij diplomatike në Paqësor për të kundërshtuar ndikimin në rritje të Kinës.
“Në përputhje me strategjinë e SHBA-ve për Indo-Paqësorin, një prani e përhershme diplomatike në Vanuatu do t’i lejonte qeverisë amerikane të thellonte marrëdhëniet me zyrtarët dhe shoqërinë e Ni-Vanuatu”, tha departamenti në një deklaratë.
SHBA ka marrëdhënie diplomatike me Vanuatu, një komb i Paqësorit Jugor me një popullsi prej 319 mijë banorësh të shpërndarë në 80 ishuj, por aktualisht përfaqësohet nga diplomatë me bazë në Guinenë e Re.
SHBA rihapi ambasadën e saj në Ishujt Solomon këtë vit pas një mungese 30-vjeçare dhe njoftimi i fundit i Departamentit të Shtetit pason një vizitë këtë muaj në rajon, duke përfshirë Vanuatu, nga koordinatori i SHBA-ve në Indo-Paqësor, Kurt Campbell. Ambasada të tjera amerikane janë planifikuar në vendet ishullore të Paqësorit, Kiribati dhe Tonga.
Qeveria e Ishujve Solomon njoftoi muajin e kaluar se i kishte dhënë një kontratë shumëmilionëshe një kompanie shtetërore kineze për të përmirësuar një port ndërkombëtar në Honiara.
SHBA dhe aleatët e saj rajonalë kanë pasur shqetësime se Kina ka ambicie për të ndërtuar një bazë detare në rajon që kur Ishujt Solomon arritën një pakt sigurie me Pekinin vitin e kaluar.
Washingtoni ka punuar gjithashtu për të rinovuar marrëveshjet me Ishujt Marshall, Palau dhe Shtetet Federative të Mikronezisë (FSM), sipas të cilave ai mban përgjegjësinë për mbrojtjen e ishujve dhe fiton akses ekskluziv në pjesë të mëdha të Paqësorit.
Administrata Biden po kërkon më shumë se 7 miliardë dollarë gjatë dy dekadave të ardhshme për ndihmë ekonomike për të tre vendet, tha Departamenti i Shtetit javën e kaluar – fondet që shihen si kyçe për t’i izoluar ata nga ndikimi në rritje kinez.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Arma sekrete e Putinit Cosmos-2553, fuqia bërthamore për të shkatërruar satelitët
-
Kina: Ne mbështesim konferencën e paqes me Moskën dhe Kievin
-
Qeveria kroate jep 50 mijë euro për Baby Lasagna pas suksesit në Eurovision, por ai nuk i pranon: Ia dhuron dy instituteve mjekësore
-
Futbolli në Shqipërinë staliniste: 90 minutat e vetme kur njerëzit mund të jenë vetvetja
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Arma sekrete e Putinit Cosmos-2553, fuqia bërthamore për të shkatërruar satelitët
-
Abdixhiku: Letra e Scholzit, Macronit e Melonit ekspozoi populizmin e Kurtit – dështim spektakolar, dëm historik