Historiani serb Milan Protiç, thotë për N1 se serbët e Kosovës duhet të pajtohen me realitetin se Kosova është shtet i pavarur.
“Është një fakt i thjeshtë se serbët në Kosovë jetojnë të rrethuar nga një shumicë shqiptare dhe se ata përfaqësojnë një pakicë shumë të shpërndarë atje. Nëse duan të vazhdojnë të jetojnë atje, duhet të pajtohen me këtë realitet. Asnjë zgjidhje tjetër praktikisht nuk ekziston, përveç emigrimit”, është i bindur Protiç.
Protiç-it dalja e serbëve nga institucionet i duket si “shpallje emigracioni”, si mesazh se “nuk duam të jetojmë në atë mjedis dhe në kushtet politike dhe të përgjithshme që vlejnë atje”.
Ish-ambasadori i Jugosllavisë në Shtetet e Bashkuara të Amerikës, potencon se anëtarësimi i plotë i Serbisë në BE duhet të jetë synim parësor, derisa ka shtuar se “në lidhje me atë qëllim dhe atë interes duhet të përshtatet edhe politika jonë ndaj Kosovës”.
I pyetur nëse është edhe i mundur ndryshimi në Serbi në këto rrethana, ai pranoi se si historian është një parashikues i keq, por edhe se pavarësisht të gjitha gardheve, ai është shumë skeptik për çdo ndryshim thelbësor, si në politikën e jashtme ashtu edhe në atë kombëtare.
Protiç thekson se “Serbia e ka vënë veten në pozitën e pengut”.
“Në Moskë nuk ka një fleksibilitet, tolerancë dhe durim siç ka në Perëndim. Atje kur pranon të jesh levë në duart e tyre, nuk ka më lëvizje”, shpjegoi Protiç.
“Kam frikë se ky vend po rrëshqet në diktaturë dhe se jemi dëshmitarë thuajse dita-ditës, që edhe ato pak liri që kemi, po mbyten sistematikisht dhe qëllimisht”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kina po përgatit një flotë të gjerë ushtarake për të pushtuar Tajvanin, raporton The Telegraph
-
“Është për të ardhur keq – do të duhej të dërgohej në Kushtetuese draft-statuti i Asociacionit”, Cramon për dështimin e Kosovës në KiE
-
Piktura e sapo vërtetuar e Caravaggio-s po shfaqet në Madrid
-
Kina nuk i harron aktivistët pro-demokracisë, edhe pse ndodhen përtej kufijve
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse