Peja ka shënuar fitore bindëse ndaj Dritës me rezultat 125:71, ndeshje kjo e zhvilluar në kuadër të javës së 13-të të Art Motion Superligës së Kosovës në basketboll.
Pejanët e nisën më mirë ndeshjen, ku qysh në çerekun e parë krijuan epërsi deri në 17 pikë, me rezultat 32:15, sa përfundoi kjo pjesë.
Vendasit nuk u ndalën as në periudhën e dytë, për të thelluar epërsinë minutë pas minute, ndërsa në pushim shkuan me rezultat të thellë 68:31.
Peja vazhdoi dominimin në pjesën e dytë, përkatësisht periodën e tretë, ndërsa gjilanasit ishin të pafuqishëm dhe pothuajse të dorëzuar, kurse rezultati në semafor pas 30 minutash ishte 102:55.
Basketbollistët e Pejës vetëm sa ngritën epërsinë në dhjetë minutat e fundit, duke triumfuar me rezultat 125:71.
Te Peja u dalluan Dardan Berisha me 32 pikë e shtatë asistime dhe Ilter Erdem me 12 pikë, 11 asistime dhe tetë vjedhje të topave, kurse te Drita u dallua Isiah Johnson me 21 pikë dhe dhjetë kërcime.
Peja ka tetë fitore dhe pesë humbje, kurse Drita 13 humbje në 13 ndeshje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës