Persona të armatosur të paidentifikuar kanë vrarë 11 ushtarë në një pjesë të largët të Nigerit jugperëndimor.
Njoftimi erdhi nga ministria e Mbrojtjes, e cila bёri gjithashtu me dije se sulmuesit e armatosur rëndë u afruan të enjten në një kolonë makinash dhe motoçikletash, duke u përleshur me ushtarët që mbronin fshatin Dagne pranë kufirit me Malin.
“Pas luftimeve të ashpra, kolona armike u detyrua të tërhiqej me të vrarët dhe të plagosurit e saj. Përforcimet ajrore dhe tokësore të dërguara vazhdojnë të mbulojnë zonën”, shtohej nё deklaratё.
Asnjë grup nuk ka marrë ende përgjegjësinë për sulmin, teksa sipas raportimeve, një degë lokale e ISIL (ISIS) ka vrarë qindra civilë në një seri sulmesh në të njëjtën zonë këtë vit pavarësisht përpjekjeve të qeverisë për të rimarrë kontrollin.
Ushtarët e sulmuar në bastisjen e fundit u vendosёn për të garantuar sigurinë e mijëra fshatarëve që ishin kthyer në komunitetet e tyre, pas vrasjeve të mëparshme.
Vetëm para dy ditësh 69 njerëz u vranë në një zonë tjetër pranë kufirit me Malian, rreth 100 milje larg.
Sulmi flitet të ketë ndodhur të martën në Adab-Dab, një fshat rreth 32 milje nga Bani Bangou në rajonin perëndimor të Tillaberi. Ai u konfirmua nga qeveria vetëm të enjten, e cila shpalli dy ditë zie kombëtare që nga e premtja.
Grupet terroriste kanë shtuar vitet e fundit sulmet në një zonë të varfër dhe të thatë të Afrikës Perëndimore që përfshin territoret kufitare të Nigerit, Malit dhe Burkina Fasos.
Disa të lidhur me Al-Kaedën dhe ISIL-in kanë kërkuar të marrin kontrollin e komuniteteve dhe të dëbojnë forcat ushtarake vendase dhe ndërkombëtare.
Mijëra civilë kanë vdekur dhe miliona janë larguar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kina po përgatit një flotë të gjerë ushtarake për të pushtuar Tajvanin, raporton The Telegraph
-
“Është për të ardhur keq – do të duhej të dërgohej në Kushtetuese draft-statuti i Asociacionit”, Cramon për dështimin e Kosovës në KiE
-
Piktura e sapo vërtetuar e Caravaggio-s po shfaqet në Madrid
-
Kina nuk i harron aktivistët pro-demokracisë, edhe pse ndodhen përtej kufijve
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse