Gjykata e Lartë e Polonisë ka vendosur që masat e vendosura nga gjykata Evropiane e Drejtësisë (GJED) kundër reformave të diskutueshme gjyqësore të vendit janë antikushtetuese.
Gjykatësi Stanislaw Piotrowicz tha të mërkurën e 14 korrikut se Kushtetuesja e Polonisë kishte arritur një vendim të shumicës se masat e BE-së në lidhje me “sistemin, parimet dhe procedurat” e gjykatave polake nuk ishin “në përputhje” me kushtetutën polake.
Vendimi erdhi disa orë pasi GJED-ja kërkoi përsëri pezullimin e menjëhershëm të një organi të sapo krijuar.
Kjo e fundit mbikëqyrte gjyqtarët e Gjykatës Supreme polake dhe kishte kompetenca për të hequr imunitetin e tyre nga ndjekja penale ose prerë pagat e tyre.
Përballja pritet të shtrëngohet më tej të enjten, kur gjykata e BE-së do të nxjerrë një vendim tjetër mbi legjitimitetin e dhomës disiplinore dhe Kushtetueses së Polonisë.
Ajo shihet gjerësisht si e paligjshme pas një serie emërimesh të “besnikëve” të PiS (Ligj dhe Drejtësi).
Pol-Exit
“Ne jemi në procesin e një Polexit-i ligjor që po zhvillohet hap pas hapi”, tha Avokati i Popullit në Poloni, Adam Bodnar, pas vendimit.
Ish-presidenti i Këshillit Evropian, Donald Tusk, tanimë kreu i partisë opozitare të Platformës Civile, akuzoi PiS-in për distancimin nga BE-ja”.
Ministri polak i drejtësisë, Zbigniew Ziobro, tha se vendimi i gjykatës kushtetuese ishte “kundër ndërhyrjes, uzurpimit dhe agresionit ligjor nga organet e Bashkimit Evropian”.
ECJ-ja me bazë në Luksemburg i kërkoi fillimisht Polonisë që të pezullojë dhomën disiplinore si pjesë e procedurave të gjata kundër Polonisë, për të cilat BE-ja thotë se po minojnë pavarësinë e gjyqësorit.
PiS-i, megjithatë, këmbëngul se reformat janë të nevojshme për të trajtuar korrupsionin dhe për të hequr ndikimet e mbetura të epokës komuniste nga gjykatat, duke i bërë ato më efektive. Partia në pushtet thotë se Brukseli po ndërhyn padrejtësisht në punët e tij të brendshme.
“Ne kemi parë në vitet e fundit që organet e BE-së të tilla si Komisioni ose Gjykata e Drejtësisë së BE-së veprojnë në shkelje të traktateve kur ata vendosën të ndërhyjnë në sistemin gjyqësor polak”, tha zëvendës ministri i Drejtësisë, Sebastian Kaleta.
Disa ekspertë kanë thënë se sfida e vendosur e Polonisë ndaj përparësisë së ligjit të BE-së mund të shënojë një hap të parë të mundshëm drejt një daljeje polake nga BE-ja.
Kjo, pavarësisht sondazheve që tregojnë se anëtarësimi në BE mbetet shumë popullor në mesin e polakëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kina po përgatit një flotë të gjerë ushtarake për të pushtuar Tajvanin, raporton The Telegraph
-
“Është për të ardhur keq – do të duhej të dërgohej në Kushtetuese draft-statuti i Asociacionit”, Cramon për dështimin e Kosovës në KiE
-
Piktura e sapo vërtetuar e Caravaggio-s po shfaqet në Madrid
-
Kina nuk i harron aktivistët pro-demokracisë, edhe pse ndodhen përtej kufijve
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse