81 organizata të shoqërisë civile në Kosovë, i janë drejtuar presidentit të Francës, Emmanuel Macron të hënën e 9 majit lidhur me procesin e liberalizimit të vizave për Kosovën.
Përmes një komunikate për media, thuhet se procesi i liberalizimit është ndalur në Këshillin e Bashkimit Evropian si institucioni më i lartë i BE-së dhe i fundit i cili duhet ta aprovojë propozimin e Komisionit Evropian për liberalizim të vizave për Kosovën.
“Kosova mbetet vendi i vetëm në rajon dhe ndër të vetmit në Evropë qytetarët e të cilës nuk mund të lëvizin lirshëm në Zonën Shengen”, thuhet në njoftimin për media nga organizatat e shoqërisë civile.
Kërkesë kryesore nga shoqëria civile është që në prag të Konferencës për Ballkanin Perëndimor që do të mbahet në qershor në Paris, të e fusin në agjendë dhe të aprovojnë lëvizjen e lirë të qytetarëve të Kosovës.
Tutje, është rikujtuar që dialogu për liberalizimin e vizave për Kosovën ka hyrë në vitin e 10-të të tij dhe ka zgjatur më shumë sesa procesi i liberalizimit të vizave i të gjitha vendeve tjera të Ballkanit Perëndimor.
Ndër të tjera në këtë letër organizatat e shoqërisë civile rikujtojnë që dialogu për liberalizimin e vizave për Kosovën ka hyrë në vitin e 10-të të tij dhe ka zgjatur më shumë sesa procesi i liberalizimit të vizave i të gjitha vendeve tjera të Ballkanit Perëndimor.
“Duke e vlerësuar lëvizjen e lirë si të drejtë themelore të njeriut nga mungesa e të cilës më së shumti vuajnë qytetarët e zakonshëm, përmes kësaj letre, organizatat e shoqërisë civile të Kosovës, i bëjnë thirrje Presidentit Macron që gjatë Presidencës Franceze të BE-së ta çojë zgjerimin evropian në një epokë të re”.
“Duke i dhënë fund izolimit të qytetarëve të Kosovës dhe duke hapur bisedimet e anëtarësimit për Shqipërinë dhe Maqedoninë e Veriut, si një moment ringjallje për perspektivën e rajonit drejt BE-së”, thuhet në letrën e tyre.
Ndryshe, e hëna e 9 majit është ditë feste në Kosovë, me këtë rast shënohet Dita e Evropës dhe kjo ditë ka vite që është futur në kalendarin zyrtar të festave.
Mirëpo, 26 prej 27 vendeve të BE-së, e shënojnë këtë ditë me aktivitete të ndryshme, por e kanë ditë pune.
Nga vendet e BE-së, i vetmi që këtë ditë e ka festë kombëtare është Luksemburgu.
Prej dy vitesh, ky vend e ka futur në kalendarin e festave 9 Majin.
Ndërsa edhe Kosova është vendi i vetëm në rajon që nuk mund të lëvizë lirshëm.
Dita e Evropës e shënon deklaratën historike më 1950 të ministrit të Jashtëm francez, Robert Schuman, mbi shpalosjen e idesë së një forme të re të bashkëpunimit politik në Evropë, në atë që konsiderohet si fillimi i Bashkimit Evropian të së sotmes.
Për shënimin e kësaj dite, në Kosovë do të mbahen një sërë aktivitetesh të organizuara nga Zyra e BE-së në Prishtinë, me fokus te të rinjtë, energjia e gjelbër dhe digjitalizimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Saltanat Nukenova: Politikani, astrologia dhe një vrasje që mund të ndryshojë Kazakistanin
-
Na duhet një legjitimitet i ri popullor para zgjedhjeve në SHBA, thotë Kusari – Lila
-
Akuzohet se shtyu gruan drejt tentativës për vetëvrasje, pranga 43-vjeçarit
-
Hungaria po studion një rol të ri në NATO, “për të mos marrë pjesë”
Lajmet kryesore
-
Në jug popullatë e moshuar, veriu drejt zbrazjes – Shifrat reflektojnë vështirësi të mëdha demografike për Shqipërinë
-
Forcimi i angazhimit me rininë është themeli i zhvillimit të një shoqërie demokratike, thotë Hasani
-
Hungaria po studion një rol të ri në NATO, “për të mos marrë pjesë”
-
Na duhet një legjitimitet i ri popullor para zgjedhjeve në SHBA, thotë Kusari – Lila