Zbulohet marrëveshja e Messi-t me Al Hilal

Skuadra e Arabisë Saudite Al-Hillal thuhet se do të njoftojë nënshkrimin e Lionel Messi-t të martën, më 6 qershor, pasi Paris Saint-Germain konfirmoi largimin e tij nga klubi i Ligue 1.

PSG konfirmoi se Messi do të largohet nga fituesit e Ligue 1 në fund të sezonit, me ndeshjen e kësaj pasdite kundër Clermont Foot që shënon daljen e tij të fundit në “Parc des Princes”.

Messi ishte lidhur me një rikthim të bujshëm në Barcelonë, por një burim i afërt me Al-Hillal thotë se një marrëveshje me 35-vjeçarin do të konfirmohet të martën, sipas gazetës spanjolle, “Sport”.

I njëjti burim thotë se Al-Hilal po pret një “po definitive” më 6 qershor dhe se ata kanë “përgatitur të gjitha dokumentet e nevojshme” për të shpallur nënshkrimin e tij në të njëjtën ditë.

“Sport” gjithashtu ka deklaruar se Al-Hilal po i ofron Messit 400 milionë euro (345 milionë paund) në sezon për të luajtur për ta, që është 170 milionë paund më shumë se sa thuhet se Cristiano Ronaldo fiton te Al-Nassr.

Menaxheri i PSG-së, Christophe Galtier, konfirmoi në një konferencë për shtyp të enjten pasdite se fituesi i Kupës së Botës 2022 do të largohej nga klubi këtë verë, me Arabinë Saudite të lidhur si një nga destinacionet e tij të mundshme.

“Clermont Foot do të jetë ndeshja e fundit e Messi-t në PSG”, tha Galtier. “Kam pasur privilegjin të drejtoj lojtarin më të mirë në historinë e futbollit. Do të jetë ndeshja e fundit e Leos në ‘Parc des Princes’”.

35-vjeçari la të kuptohej se largimi nga Barcelona e lejoi atë të piqej si lojtar dhe disa sugjerojnë se largimi nga zona e tij e rehatisë e lejoi atë të zhvillonte cilësitë e lidershipit që shfaqi në fitimin e Kupës së Botës të Katarit në dhjetor.

Messi ishte lidhur me një rikthim të bujshëm te Barcelona. Ai gjithashtu është lidhur me një kalim te Inter Miami. Megjithatë, skuadra e Arabisë Saudite Al-Hillal ka besim në nënshkrimin e 35-vjeçarit. Messi thuhet se është i interesuar për një lëvizje pasi Al-Hillal po i ofron atij 400 milionë euro në sezon për të luajtur për klubin e tyre. Plus, Messi është tashmë i punësuar në Arabinë Saudite, pasi është bërë ambasadori i tyre i turizmit në maj 2022 (duke fituar 25 milionë paund në vit).

Një lëvizje në Arabinë Saudite do ta shihte Messi-n përballë rivalit të tij afatgjatë dhe ish-sulmuesit të Real Madrid, Ronaldo, i cili aktualisht po luan për Al-Nassr.

Tani Messi dhe Ronaldo do të jenë në konkurrencë të drejtpërdrejtë. Hera e fundit që ata po luanin në të njëjtën ligë ishte kur Messi ishte te Barcelona dhe Ronaldo te Real Madrid në Spanjë në kulmin e fuqive të tyre. Prandaj, do të ishte interesante t’i shihje ata të ballafaqohen edhe një herë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.