Yuri Kim takon Prokurorin e Përgjithshëm Olsian Çela: Askush nuk është mbi ligjin
“Tani u takova me Prokurorin e Përgjithshëm Olsian Çela”
Kështu u shpreh ambasadorja e SHBA-së në Shqipëri, Yuri Kim, nëpërmjet një postimi në median sociale Twitter.
Nuk dihen ende detajet se çfarë u diskutua në takim.
Kim bëri me dije se po pret të takojë së shpejti kreun e SPAK-ut Arben Kraja.
“Ndërsa të hënën u takova me Drejtorin e Përgjithshëm të Policisë Ardi Veliu”.
Takimi i ambasadores ka ardhur për shkak të ngjarjeve se po trondisin Shqipërinë gjatë javës së fundit të fushatës elektorale.
“Ata që shkelin ligjin dhe pengojnë të drejtën e qytetarëve për të votuar lirshëm dhe në paqe duhet të ndiqen plotësisht. Asnjë trajtim i veçantë. Pa përjashtime. Askush nuk është mbi ligjin”, e mbyll Kim postimin.
I met PG Çela just now, will meet SPAK Chief Kraja soon, met Police Gen Director Veliu yesterday. 🇺🇸 message: Those violating the law & obstructing citizens’ right to vote freely & in peace must be prosecuted fully. No special treatment. No exceptions. No one is above the law.
— Ambassador Yuri Kim (@USAmbAlbania) April 22, 2021
(Correction: met Veliu on Monday) https://t.co/zIqNbIeZuK
— Ambassador Yuri Kim (@USAmbAlbania) April 22, 2021
Çfarë ndodhi këtë javë?
Kjo është java e fundit e fushatë elektorale për zgjedhjet parlamentare të 25 prillit.
Kavaja u trondit mbrëmjen e 19 prillit, ku në ambientet e brendshme të zyrës elektorale të Partisë Demokratike (PD), ka hyrë personi me iniciale N.J. dhe ka plagosur sekretarin e PD-së.
Ngjarja nxiti edhe reagimin e partive politike ku nuk munguan akuzat për njëra tjetrën.
Po ashtu më 21 prill, nga një përplasje me armë në Elbasan mbeti i vdekur Pjerin Xhuvani dhe u plagosën katër shtetas të tjerë.
Arbër Paplekaj, ish-punonjës i forcave RENEA dhe shoqërues i kandidatit demokrat për deputet në Elbasan, Gazment Bardhi, qëlloi për vdekje Pjerin Xhuvanin, ish-drejtues i Lëvizjes Socialiste për Integrim në Elbasan. Katër të tjerë u plagosën në ngjarje, ndër të cilat një efektive e forcave “Shqiponja”.
Gjithë Shqipëria i ktheu sytë nga kjo ngjarje e rëndë, duke zhvendosur edhe vëmendjen e fushatës zgjedhore.
Autori është vënë nën pranga pak pas ngjarjes, ku është shoqëruar në komisariat. Deklarata e tij ka qenë se “sulmi ka ndodhur për vetëmbrojtje”.
Mbi 20 persona janë shoqëruar drejt komisariatit. Ndër ta, dy kandidatë demokratë: Gazment Bardhi dhe Luçiano Boçi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”